वीरगन्ज, १० माघ ।
पर्सा प्रहरीले केराउ नियन्त्रणमा लिएको बिरोधमा व्यापारीहरुले वीरगंजको तिलावे पुलमा बाटो नै अवरोध गरी बिहिबार प्रदर्शन गरेका छन । टायर बालेर प्रर्दशन गर्ने व्यापारी माथी प्रहरीले बल प्रयोग गर्दै आधा दर्जनलाई नियतन्त्रणमा समेत लिएको छ । प्रहरीले निन्त्रणमा लिएको केराउ सहितको ट्रक छोड्न माग गर्दै व्यापारीहरुले प्रदर्शन गरेका थिए ।
प्रहरी बल प्रयोग गर्दै विन्दवासिनी गाउँपालिका वडा नं. ४ का उतम तिवारी, शंकर पुकार तिवारी, सोनालाल साह, रवी गुप्ता, दामोदर तिवारी, संतोष गुप्तालाई पक्राउ गरेको हो । टायर बालेर सडक अवरुद्ध गरेका व्यापारीहरुलाई नियन्त्रणमा लिने क्रममा प्रहरीले लाठी चार्ज गर्नुका साथै उनीहरुलाई लछारपछार पनि गरेको थियो ।
वीरगंजको रामगढवाबाट ट्रकमा २५ मेट्रिक टन केराउ लोड गरी तिलावे पुल हुँदै अमरपट्टी नाकाबाट भारत तिर तस्करी गर्न लागेको भन्दै प्रहरीले उक्त केराउ सहितको ट्रक बुधबार राति तिलावे पुलबाट नियन्त्रणमा लिएको थियो । केराउ सहितको ट्रक छुटाउन भन्दै प्रहरीलाई दवाव दिन तिलावे पुलमा केराउको कारोबार गर्दै आएका विन्दवासिनी गाउँपालिका उतम तिवारी लगायतका व्यपारीहरुले टायर बालेर प्रर्दशन गरेका थिए ।
यता प्रदर्शनको समाचार संकलन गर्न पुगेका तिलावे पुलमा पुगेका पत्रकारलाई प्रहरीले कुटपिट समेत गरेको छ भने कुटपिट गर्ने प्रहरीलाई कारबाही गर्न नेपाल पत्रकार महासंघ, पर्साले २४ घण्टे अल्टिमेटम समेत दिएको छ । सडकमा प्रदर्शन गरिरहेका कारोबारीलाई प्रहरीले लाठी चार्ज गर्नुका साथै लछारपछार गरिरहेको दृश्यको तस्बिर खिच्ने क्रममा प्रहरीले पत्रकारलाई पनि दुर्व्यवहार गरेको हो ।
प्रहरीको लाठी चार्जबाट पर्सेली पत्रकार श्याम कुशवाहा, विकास साह, उमेश दुवे र दिपक चौरसिया सामान्य घाइते भएका छन । पत्रकार माथि दुव्र्यवहार र कुटपिट गर्ने प्रहरको कार्वाहीको माग गर्दै महासंघले पर्सा प्रहरीलाई २४ घण्टे अल्टिमेटम दिएको हो । घटना पछि जिल्ला प्रहरी कार्यालय पर्सामा पत्रकार महासंघ पर्साका अध्यक्ष श्याम बन्जराको नेतृत्वमा पुगेको टोलीले प्रहरी नायव उपरीक्षक अनन्तराम शर्मालाई भेटेर घटनाका बारे जानकारी गराएका थिए ।
पत्रकारलाई दुव्र्यवहार र कुटपिट गर्ने प्रहरी हवल्दार शिवशंकर महत्तोलाई शुक्रबार बिहान १० बजे सम्म पर्सा प्रहरीले कार्वाही नगरेको खण्डमा शुक्रबार मध्यान्ह १२ बजे देखि जिल्ला प्रहरी कार्यालय, पर्सा अगाडि नै पर्साका पत्रकारहरुले धर्नामा बस्ने चेतावनी दिएका छन् ।
