वीरगंज, १ माघ ।
माघे सङ्क्रान्ति तथा थारु सम्बत् २६४३ औंको अवसरमा माघी (खिचडी) महोत्सव वीरगंजमा भव्य रुपमा सम्पन्न भएको छ । थारु समुदायको पहिरनमा वीरगंजको घण्टाघरबाट निस्केको र्याली वीरगंजको आदर्शनगर स्थित रहेको स्वीमिङ्ग पुलमा पुगी समाहरोहमा परिणत भएको थियो ।
माघी (खिचडी) मूल समाहरोह समिति, पर्साको आयोजनामा विगतका बर्ष झै यस बर्ष पनि भएको महोत्सवमा सांस्कृतिक कार्यक्रमको साथै थारु समुदायको विभिन्न खानाको परिकार समेत राखिएको थियो । वीरगंजका विभिन्न विद्यालयमा अध्ययनरत छात्र÷छात्राहरुले थारु समुदायको पहिचान झल्कने खालको नृत्य तथा गित प्रस्तुत गरेका थिए ।
समाहरोहमा बोल्ने वक्ताहरुले थारु समुदायको शिक्षामा ध्यान दिनु पर्नेमा जोड दिएका थिए । शिक्षाका साथ साथै थारु समुदायमा दाइजो प्रथा सुरु हुदै गएकोले त्यसलाई रोक्नु पर्ने पर्ने धारणा राखेका थिए । माघी मुल समाहरोह समितिका संयोजक एवं मेलमिलाप थारु परिवारका अध्यक्ष मनोज कुमार चौधरीको अध्यक्षतामा र सुबलाल भगत उच्च मा.वि. रौतहटका जग्गा दत्ता परिवारका प्रतिनिधि अघिलेश्वर चौधरीको प्रमुख आतिथ्यतामा समाहरोह भएको थियो ।
समाहरोहमा पर्साका प्रमुख जिल्ला अधिकारी नारायण प्रसाद भट्टाराई, पर्सागढी नगरपालिका मेयर लोकनारायण यादव, उप मेयर अर्चना चौधरी, पटेर्वा सुगौली गाउँपालिकाका अध्यक्ष हरिनारायण चौधरी, उपाध्यक्ष ममता महतो, गण्डक हस्पिटलका संचालक रहबर अंसारी, नेशनल मेडिकल क्लेजका संचालक बसरुदिन अंसारी, नेपाल पत्रकार महासंघ प्रदेश नं. २ का उपाध्यक्ष केशी लामिक्षाने, पर्साका अध्यक्ष श्याम बंजारा, आदवासी जनजाती पत्रकार महासंघ प्रदेश नं. २ का अध्यक्ष निरज पिठाकोठे मगर लगायतकाले मन्तव्य व्यक्त गरेका थिए ।
