वीरगंज, २८ पुस ।
- Advertisement -
वीरगञ्जमा आजदेखी शुरु भएको विशाल स्मृति फुटबल प्रतियोगितामा वीरगञ्ज ११ ले विजयी शुरुवात गरेको छ । नारायणी रंगशालामा आज भएको उद्घाटन खेलमा वीरगञ्जले साउथर्न समितिलाई ३–१ गोलले पराजित गरेको हो ।
निकै प्रतिश्पर्धात्मक एवं रोमाञ्चक भएको खेलमा निर्धारित समयमा दुवै टिमले गोल रहित बराबरी खेलेपछि ट्राईब्रेकरबाट नतिजा निकालिएको थियो । वीरगञ्ज ११ का गोल किपर दिपेश यादव म्यान अफ दी म्याच घोषित भएका छन् । उनले कलकत्ताको दुई जना खेलाडीले हानेको पेनाल्टी रोकिदिएका थिए ।
गतवर्षदेखी सञ्चालन प्रतियोगिताको आज पूर्व सांसद अनिल रुगंटाले उद्घाटन गरेका थिए । प्रतियोगितामा आयोजक वीरगंज ११, ए डिभिजनका पाँच टिम र भारतको दुईवटा टिम सहभागि रहेको आयोजक प्रतिष्ठानका पंकज श्रेष्ठले बताए ।