वीरगंज, २० पुस ।
नेपाल कृषि तथा पशु हकहित संरक्षण समितीले एक गाउँ एक कृषि तथा पशु सेवा प्राविधिकको व्यबस्थापनका लागी पर्साका सहायक प्रमुख जिल्ला अधिकारी दुर्गा दत पौडेल मार्फत प्रधानमन्त्री तथा मन्त्रीपरिषको कार्यालय सिंहदवारलाई ज्ञापनपत्र बुझाएका छन । नेपाल सरकारले कर्मचारी समायोजन अध्यादेश २०७५ मार्फत कर्मचारी समायोजन गर्ने प्रक्रियामा रहदा एक गाउँ एक कृषि तथा पशु सेवा प्राविधिकको बिषयमा कुनै कुरा उल्लेख नभएकाले र अन्यौलता आएकोले ज्ञापनपत्र बुझाइएको पशु प्राविधिक सुभम पाण्डेले वताए ।
ज्ञापनपत्रमा एक गाउँ एक कृषि तथा पशु सेवा प्राविधिक संचालन निर्देशिका २०७३ बमोजिम विज्ञापन गरी लोक सेवा आयोगको मापदण्ड लिखित र मौखिकका आधारमा छनौट भएर हाल स्थानिय तहमा खटिएर गएका एक गाउँ एक कृषि तथा पशु सेवा प्राविधिकहरुलाई स्थानिय तहमा स्थायी दरबन्दी कायम गरी स्वत स्थायी गरिनु पर्ने माग रहेको छ ।
यस्तै तत्काल नेपाल निजामति सेवा एनको परिमार्जनको चरणमा रहदा निजामती सेवा एनको दफा ८ मा रा.प.अ.न. द्धितिय पद नरहने व्यबस्था गर्न खोजिएकोले हाल सम्म प्राविधिक बिषयमा अध्ययन पुरा गरेका टिसिएलसि कृषि भेटेरीनरी अमिन लगायतका प्राविधिक पद कायम गरी खुल्ला विज्ञापन मार्फत पदपुर्ती गरिनुपर्ने माग रहेको छ ।
ज्ञापनपत्र बुझाउने टोलीमा नेपाल कृषि तथा पशु हकहित संरक्षण समिती, पर्साका अध्यक्ष मोहन दास, उपाध्यक्ष कमलेश गुप्ता, सचिव अजय साह कानु, शुभम कुमार पाण्डे, दयाराम वाग्ले, क्षत्र बहादुर साह, गोबिन्द भैया थारु लगायतको उपस्थिती रहेको थियो ।
