जितेन्द्र यादव / छिपहरमाई, २८ मंसिर ।
पर्साको छिपहरमाई गाउँपालिकाको वडा नं. १, मिर्जापुरमा विहिबार जेष्ठ नागरिक पुरुष तथा महिलाहरुलाई न्यानो कपडा वितरण गरिएको छ । गाउँपालिकाले वडा अन्तर्गतका ८० पुरुष र ८९ महिला गरी १ सय ६९ जना जेष्ठ नागरिकहरुलाई स्वीटर, जयाकेट तथा टाउजर वितरण गरेको हो ।
वडा अध्यक्ष राजबली राउत अहिरको अध्यक्षतामा र गाउँपालिका अध्यक्ष मनोज गुप्ताको प्रमुख आतिथ्यतामा भएको कार्यक्रममा जेष्ठ नागरिकहरुलाई न्यानो कपडा वितरण गरिएको थियो । कार्यक्रममा स्थानिय अगुवा पप्पु कुमार यादव, मगनी यादव, चन्द्रिका यादव, चामचन्द्र साह लगायतकाको सहभागिता रहेको थियो ।
चिसो र शितलहरबाट जोगाउन जेष्ठ नागरिकहरुलाई न्यानो कपडा वितरण गरिएको गाउँपालिका अध्यक्ष गुप्ताले वताए । वडा नं. १, मिर्जापुरबाट सुरु गरिएको न्यानो कपडा वितरण कार्य सबै वडामा वितरण गरिने गुप्ताले जानकारी गराए ।
