पर्सा, २१ मंसिर ।
प्रहरी र जनप्रतिनिधि कै मिलोमतोमा पर्साको ग्रामिण भेगको नाका भएर भारतिय धान नेपाल भित्रि रहेको छ । पर्साको छिपहरमाई गाउँपालिकाको वडा नं. १, मिर्जापुर र भारत बभनौली नाका भएर दिनहु दर्जनौ धानको ट्रेक्टरहरु नेपाल भित्रिरहेको स्थानियहरुले वताएका छन । प्रहरी चौकी मिर्जापुर अगाडीबाट नै प्रहरीलाई नजराना बुझाई दिनहु दर्जनौं ट्रेक्टर नेपाल भित्रिरहेका छन ।
नेपाली व्यापारीहरुले सिमावर्ती भारतको गाउँहरुबाट धान खरिद गरी वडा अध्यक्ष संग सिफारिस लिई नेपाल भित्राउने गरेको स्थानियहरुको भनाई छ ।
यस्तै छिपहरमाई गाउँपालिकाको वडा नं. २ टिहुकी र भारतको प्रसोतिपुर नाका भएर पनि धान नेपाल भित्रिने गरेको छ । यस्तै प्रहरी चौकी टिहुकीको मिलोमतोमा नेपालको भेडिहारवा र भारतको भेडिहारवा नाका भएर पनि भारतिय धान भित्रिने गरेको स्थानियहरुले वताएका छन ।
मिर्जापुरको भलवहिया र भारतको बसमपुर नाकाबाट पनि भारतिय धान नेपाल तस्करी भइरहेको छ । यी नाकाहरुबाट बैल गाडामा पनि धान तस्करी भइरहेको छ । भारतको मैनाटाड, प्रसोतिपुर थाना र एस.एस.बी.लाई पनि व्यपारीहरुले नजराना बुझाई धान तस्करी गरीरहेका छन ।
भारतमा धानको भाउ सस्तो र नेपालमा महंगो भएकोले भारतिय धान नेपाल भित्रियाई व्यापरीहरुले पोखरिया, गर्दोल, बहुअर्वा लगायतका सेलर मिलहरुमा बिक्री गर्ने गरेका छन । व्यापरीहरुले भारतको गाउँहरमा भारु ११ सय क्युन्टल धान खरिद गर्ने गरेका छन भने नेपालमा धानको मुल्य नेरु २४ सय रहेको छ । स्थानियहरुका अनुसार मुल्य धेरैको फरक रहेका कारण व्यापारीहरु नेपाली धान खरिद गर्दैन ।
खरिद गरे पनि मनपरी मुल्यमा खरिद गर्दछन । भारतिय धान नेपाल खुल्याम भित्रेका कारण हामीहरु मर्कामा परहेको स्थानियहरु बताउँछन । विशेष गरी विहान र रातीको समयमा भारतिय धानहरु नेपाल भित्रिने गरेका छन । सम्बन्धीत वडा अध्यक्ष, प्रहरी चौकी र भारतिय एस.एस.वी. को मिलोमतोमा धान भित्रिने गरेको स्थानियहरु बताउँछन ।
यस्तै अझै पनि नेपालबाट भारत गिटी तस्करी रुकन सकेको छैन । पर्साका प्रमुख जिल्ला अधिकारी लोकनाथ पौडेलको छडकेमा गिटीको ट्रेक्टर पक्राउ परेको केही समय मात्र गिटी तस्करी रुके पनि यता आएर फेरी सुरु भएको छ ।
