वीरगंज, १२ मंसिर ।
न्यायिक समितिका सदस्यहरुको जिम्मेवारी तथा भूमिका सम्बन्धी २ दिने तालिम आज वीरगंजमा सम्पन्न भएको छ । स्थानिय अधिकार कार्यक्रम (एल.आर.पी.) अन्तर्गत हरिओम पार्टी प्यालेस अशोकवाटीका, वीरगंजमा संचालित तालिम सम्पन्न भएको हो । तालिमको समापन्न समाहरोहमा बोल्दै पोखरिया नगरपालिकाकी उप मेयर सलमा खातुनले कर्मचारी र भौतिक संरचनाको अभावकमा न्यायिक समितिमा काम गर्न समस्या भएको वताइन ।
पहिला भन्दा अहिले क्रमिक रुपमा सुधार हुदै गए पनि सोचे जस्तो अहिले पनि काम गर्न नसकिएको खातुनको भनाई थियो । पटेर्वा सुगौली गाउँपालिकाकी उप प्रमुख ममता महतोले न्यायिक समितिले गरेको काम कार्यन्वयन हुनु पर्ने वताइन । मेलमिलापकर्ता वडा स्तरमा पनि चयन गरेर काम गरियो भने सजिलो हुने महतोको भनाई थियो । विन्दावासिनी गाउँपालिकाकी उप प्रमुख किरण देवी गुप्ताले गाउँ घरमा समान्य किसिमको झैझगडा बढी हुने गरेका कारण मेलमिलाप गराउनु पर्ने धारणा राखिन ।
कार्यक्रम प्रमुख रामाकान्त पटेलको अध्यक्षतामा र वीरगंज महानगरपालिकाकी उप मेयर शान्ति कार्कीको प्रमुख आतिथ्यतामा भएको समापन समाहरोहमा पकहा मैनपुर गाउँपालिकाकी उपाध्यक्ष कुश्मी देवी, आयोजक संस्थाकी अनुगमन मूल्यांकन अधिकृत देवता रिजाल, कार्यक्रम संयोजक कोपिला चौलागाई लगायतकाको सहभागिता रहेको थियो । एक्सनएड नेपालको सहयोगमा र दिब्य युवा क्लब वीरन्चीबर्वाको आयोजना तालिम आयोजना गरिएको थियो ।
पर्साका ५ स्थानिय तहको न्यायिक समितिका सदस्यहरुको सहभागिता रहेको तालिममा अधिवक्ता हरेराम सरार्फले प्रशिक्षण दिएका थिए । आयोजक संस्थाले लैंगिक हिंसा र दुव्र्यवहार छैन हामीलाई स्वीकार मुल नाराका साथ लैंगिक हिंसा विरुद्ध १६ दिने अन्तराष्ट्रिय अभियान पनि संचालन गरेको छ ।
