वीरगंज, ९ मंसिर ।
पकहा मैनपुर गाउँपालिकाको वडा नं. ३ स्थित रहेको खेस्राहा प्रहरी चौकीको भवन निर्माणको लागि आज समिति गठन भएको छ । २५ लाखको लागतमा निर्माण हुने तिन तल्ले भवनको लागि ७ सदस्यि निर्माण समिति र १५ सदस्यि अनुगमन समिति गठन भएको वडाध्यक्ष ढेरी यादवले वताए ।
गाउँपालिका अध्यक्ष विजय चौरसियाको अध्यक्षतामा र जिल्ला प्रहरी कार्यालय, पर्साका प्रमुख प्रहरी उपरिक्षक रेवती ढकालको प्रमुख आतिथ्यतामा भएको भेलामा समिति गठन भएको वडाध्यक्ष यादवले जानकारी गराए ।
विन्दुभुषण साहको अध्यक्षतामा गठन भएको निर्माण समितिको सचिवमा अयोध्या चौहान, कोषाध्यक्षमा उमा देवी, सदस्यहरुमा सुरेश यादव, हरिन्द्र चौहान, अनिहिया माझी, मन्तुरी देवी रहेका छन । यस्तै वडाध्यक्ष यादवको अध्यक्षतामा अनुगमन समिति पनि गठन भएको छ । गाउँपालिका अध्यक्ष चौरसियाको संरक्षकमा सर्वसहमत समिति गठन भएको वताइएको छ ।
