पर्सा, ७ मंसिर ।
पर्साको पकहामैनपुर गाउँपालिका र कालिकामाई गाउँपालिकाको सिमानामा रहेको राधाकृष्ण सुर्जाहा कट्टी मठको अवस्था दिनप्रदिन जिर्ण बन्दै गएको छ । ६५ बिगहा जग्गा र २ वटा पोखरी समेत सम्पति रहेको मंठको अवस्था खस्दै गएको स्थानिवासीहरु गुनासो गरेका छन । कुल ६५ बिगहा जग्गा मध्ये सुजार्हाको जग्गा २१ बिगहालाई मात्रै गुठी संस्थानले ठेक्कापटा गरेकोले अवस्था नाजुक बन्दै गएको हो ।
मंन्दिरको जग्गा गुठी अन्तर्गत रहेकोले स्थानियवासीहरुले चाहेर पनि केही गर्न नसकेको स्थानिय सोनालाल दासले बताए । पकहामैनुर गाउँपालिकाको लहावरथकरी, धोरे, कालिकामाई गाउँपालिकाको भेडिहारी, प्रशुरामपुर, बलुवा, कटी, हरिहरपुर बिर्ता, धोबिनी गाउँपालिकाको गुलरीया, जगरनाथपुर गाउँपालिकाको सन्ठी औराहा र पोखरीया नगरपालिकाको बसन्तपुरमा बाकी ४४ बिगहा जग्गा रहेको छ ।
सुर्जाहाको २१ बिगहा जग्गालाई मात्रै ६ सय ५० मन धान लिने गरी ठेक्का भएको छ भने २ वटा पोखरी मध्ये १ मात्र पोखरी ६२ लाखमा ठेक्का भएको छ । गुठी संस्थानको लापरवाहीले गर्दा बाकी ४४ बिगहा जग्गाको ठेक्का पटा र १ पोखरीको ठेक्कापटा हुन नसकेको स्थानियहरु आरोप लगाएका छन ।
बिगत केही बर्ष अगाडी सो आसपासका अगुवाहरुको भेलाले सोही जग्गामा बिश्वबिधालय बनाउने समेत निर्णय गरेको थियो । बिश्व बिधालय बनाउने सम्मपुर्ण क्षेत्रफल र सम्मपति रहेको मठको जग्गा प्रयाप्त भए पनि मठ नै ब्यवस्थित र मर्यादित अवस्थामा नरहेकोले स्थानियवासीहरु चिन्तीत बनेका छन ।
