वीरगंज, ६ मंसिर ।
पर्साको सखुवा प्रसौनी गाउँपालिकाको वडा नं. ५, बलुवाबाट जुवा खेल्ने ६ जना पक्राउ परेका छन । पक्राउ पर्नेमा पर्साको सखुवा प्रसौनी गाउँपालिकाको वडा नं. ६ बस्ने वर्ष ३५ को मुक्तार मिया, वडा नं. ५ बस्ने वर्ष ३८ को जयराम राउत कुर्मी, वडा नं. ६, लखनपुर बस्ने वर्ष २५ को जोखु राउत मंकर, वडा नं. ५, बलुवा बस्ने वर्ष २६ को दिनेश राम, वर्ष ५४ को राम गुलाम प्रसाद यादव र बहुदरमाई न.पा. वडा नं. ५ पटनी बस्ने वर्ष १९ को दिपनारायण महतो कोईरी रहेका छन ।
बुधबार अंदाजी २३:३० बजे सखुवा प्रसौनी गा.पा.५ बलुवा स्थित जलान्धर यादवको घरमा कौडा खेलिरहेको भन्ने गोप्य सुचनाको आधारमा जिल्ला प्रहरी कार्यालय, पर्साबाट खटिएको प्रहरी टोलीले कौडा खेली रहेको अवस्थामा ६ जनालाई पक्राउ गरी आवश्यक अनुसन्धान तथा कारवाही भई रहेको जनाएको छ ।
जुवा स्थलबाट कौडा १६ पिस, मोबाइल २ थान र नगद रु २८ हजार ७ सय ५ समेत बरामद भएको जिल्ला प्रहरी कार्यालय, पर्साले जनाएको छ ।
