वीरगंज, ४ मंसिर ।
मानव अधिकारको अवस्था विषयक अन्तरक्रिया कार्यक्रम मंगलबार वीरगंजमा सम्पन्न भएको छ । अनौपचारिक क्षेत्र सेवा केन्द्र (इन्सेक) केन्द्रिय कार्यालय काठमाण्डौ र प्रदेश कार्यालय जनकपुरको संयुक्त आयोजनामा होटल कुमु प्यालेस वीरगंजमा आयोजित कार्यक्रम सम्पन्न भएको हो ।
कार्यक्रमका सहभागि मानव अधिकारको क्षेत्रमा कार्यरत संघ/संस्थाका प्रतिनिधिहरुले स्थानिय तहको निति, नियम निर्माण मानव अधिकार मुखी हुनु पर्नेमा वताएका छन । स्थानिय तहहरुले निति, नियम बनाउदा मनाव अधिकारलाई ख्याल गरी बालबालिका, दलित, महिला लगायतको क्षेत्रमा पनि रकम छुट्याउन दबाव दिनु पर्ने वताए ।
मानव अधिकारीको घटना निगरानी गर्ने निकायको उदासिन्ता देखिएको समेत वताएका हुन । अझै पनि हाम्रो गाउँ समाजमा वालविवाह नरोकिएको वताउदै त्यो रोकने निकाय नदेखिएको सहभागिहरुको भनाई थियो ।
मानव अधिकार निगरानी समुहका अध्यक्ष तबरेज अहमदको अध्यक्षतामा भएको कार्यक्रममा इनसेक केन्द्रिय कार्यालय काठमाण्डौका समझना श्रेष्ठ, प्रदेश कार्यालय जनकपुरका राजु पासवान, प्रदेश नं. ३ को कार्यालय हेटौडाका जागेशवर यादव लगायतकाले मन्तव्य राखेका थिए भने रहेका भने कार्यक्रमको सहजिकरण इन्सेक पर्सा प्रतिनिधि के.सी. लामिक्षानेले गरेक थिए ।
