वीरगंज, ३ मंसिर ।
भारतबाट नेपाल तर्फ अबैध रुपमा भन्सार छली ल्याउदै गरेको रु ५ लाख बराबरको लत्ताकपडा र ई. रिक्सा शसस्त्र प्रहरीले पक्राउ गरेको छ । शसस्त्र प्रहरी गुल्मबाट खटिएको प्रहरी टोलीले आज विहान वीरगंज भन्सार क्षेत्रबाट रु ४ लाख ९४ हजार ८ सय ५० बराबरको सामान पक्राउ गरेको हो ।
सशस्त्र प्रहरी चेकजाच गर्ने क्रममा ना. २ ह. ३६४६ नम्बरको ई. रिक्सामा लोड गरि चोरी पैठारी गरी ल्याउदै गरेको सामान पक्राउ गरेको हो ।
सिल्की साडी १४ थान, वडन साडी ३३ थान, उनी कुर्ता सुरुवाल ७१ थन, बनारसी साडी ७ थान, उनी कुर्ता कपडा ९९ थान, सर्ट कपडा ७८ थान, उनी सल ५५ थान, उनी कुर्ता सुरुवाल ३३ थान लगायतका सामान पक्राउ गरिएको प्रहरी नायब उपरिक्षक तिलक बहादुर खड्काले वताए ।
पक्राउ गरिएको सामान आवश्यक कर्वाही प्रक्रिया अगाडी बढाउन भन्सार कार्यालय वीरगंज बुझाएको प्रहरी नायब उपरिक्षक खड्काले वताए ।
