वीरगंज, २ मंसिर । सशस्त्र प्रहरीले वीरगंज महानगरपालीका वडा नम्बर १६, भन्सार मुल गेटबाट विभिन्न देशका मुद्रा तथा एटिएम कार्ड सहित एकजना भारतीय नागरीकलाई पक्राउ गरेको छ ।
सशस्त्र प्रहरी बल भन्सार राजश्व सुरक्षा गुल्मबाट सशस्त्र प्रहरी नायव निरिक्षक सुदेश राईको कमाण्डमा खटिएको डिउटी टोलीले नेपालबाट भारत तर्फ शंकास्पद रुपमा गइरहेका भारत उत्तरप्रदेश बस्ने वर्ष ३७ को रामनाथ यादवले बोकेको झोला चेकजाच गर्ने क्रममा विभिन्न समानहरु बरामद गरेको हो ।
यादवको साथबाट विभिन्न २२ देशहरु तानजिनीया डलर ४६ हजार, इन्डोनेसीया १५ हजार, रसियन १० हजार, भियतनाम ६ हजार, लेवनान २ हजार, म्यानमार ५ सय, सुडानी पाउण्ड ३ सय, ओमन डलर, २ सय, केन्या १ सय, नेपाली रुपैया १४ हजार ६५ रुपैया, भारतीय २ हजार ५ सय, मलेसिया रिंगेट १२, हंकंग डलर ४२, चाइनिज युवान १८, साउदीअरब रियाल ३, कतार ५, श्रीलंका ४०, कुवेत डलर ०.५, फिलिपीन्स ५०, नाइजेरीया १०, युएई १० र बंगलादेश १२ रुपैया तथा नेपाल र भारतका ५३ वटा बैंक एटिएम कार्डहरु, आइएमई कार्ड थान ३०, विभिन्न आईडि कार्ड थान ४४, विभिन्न किसीमका नक्कली गहनाहरु एक पोका र निजको मतदाता परिचयपत्र र पासपोर्ट समेत बरामद भएको सशस्त्र प्रहरीले जनाएको छ ।
पक्राउ परेका यादवलाई थप आवश्यक कार्यवाहीका लागी जिल्ला प्रहरी कार्यालय पर्सामा बुझाईएको सशस्त्र प्रहरी निरीक्षक पदम खडकाले बताउनु भयो ।
