पर्सा । नेपाली काग्रेसका वरिष्ठ नेता रामचन्द्र पौडेलले कम्युनिष्ट सरकारको अगमन संगै मुलुकमा भ्रष्टाचार र अपराध मौलाएको आरोप लगाउनु भएको छ । नेपाली कांग्रेस पर्सा क्षेत्र नं. ४ का सभापति रमेश पाण्डेको अध्यक्षतामा आयोजित पार्टी प्रबेस कार्यक्रमलाई सम्बोधन गदै नेता पौडेलले यस्तो आरोप लगाउनु भएको हो ।
पर्सा क्षेत्र नं. ४ अंतरगत आसबारीमा आयोजित कार्याक्रममा नेता पौडेलले कम्युष्टि सरकारको कार्यकालमा मुलुकमा हत्याहिंसा, बलत्कार,भ्रष्टाचार लगायातका अवान्छित गतिविधीमा बृद्धीभएको बताउदै कञ्चनपुरकी निर्मला पन्त बलत्कार र हत्या काण्ड तथा सुन काण्ड लगायात सैकडौ घटनाहरुलाई उधाहरणको लिन सकिने बताउनु भयो ।
एक आर्को प्रशगंमा उहाले मधेश आन्दोलनका घाइते र सहिद भएकालाई राहत प्रदान गर्न नेपाली काग्रेसले आयोग गठन गर्ने बताउनुभयो ।
उहाले आन्दोलनमा मारिएका आश्रित परिवारलाई रु ५० लाख दिने घोषणा गरेका नेताहरु आफ्नो सिद्धगरी सत्तामा पुगेपछि सबै बिर्सिएको आरोप लगाउदै जनताको सच्चा साथीका रुपमा रहेको काग्रेसले चा“डै आयोग गठन गरी आन्दोलनका क्रममा पीडित भएकाहरुको समस्यालाई सम्बोधन गर्ने दाबी गर्नुभयो ।
उहाले कृषि प्रधान देशको रुपमा मात्र रहन पुगेको नेपालको कृषिक्रान्ति बिना उद्धार नहुने बताउनु भयो । नेता पौडेलले नेपाल गाउ“मा बस्छ र किसान नै नेपाल भएकाले किसानको जीवनस्तरमा सुधार ल्याएपछि मात्र मुलुकमा विकास हुने बताउनु भयो ।
कृषिक्रान्ति, पर्यटनको विस्तार र ऊर्जाको विकासले नै राष्ट्रलाई समृद्ध बनाउन सकिने भए पनि यसतर्फ सरकारको ध्यान नगएको आरोप समेत लगाउनु भयो ।
कार्यक्रममा विभिन्न पार्टी परित्याग गरी नेपाली कांग्रेसमा प्रवेश गरेकाहरुलाई नेता पौडेलले फुलमाला र अबिर लगाएर स्वागत गर्नु भयो ।
कार्यक्रममा नेपाली कागे्रसका केन्द्रीय सदस्य रमेश रिजाल, अजय चौरसिया, पूर्वमन्त्री सुरेन्द्र चौधरी, नेता अजय दुवेदीदुवेदी, अनिल रूगंटा, जनार्दन सिंह क्षेत्री लगायतले मन्तव्य व्यक्त गरेका थिए भने कार्यक्रमको संचालन क्षेत्रिय सचिव श्रीकान्त यादवले गरेका थिए ।
