पर्सा, २९ कात्तिक ।
छठ पुजाको अवसरमा पर्साको ग्रामिण भेगको अधिकांश गाउँहरूमा सांस्कृतिक कार्यक्रमको आयोजना गरिएको छ । छठ सुरु भएको दिन देखि नै गाउँहरु नाटक सहितको सांस्कृतिक कार्यक्रम भईरहेका छन ।
कालिकामाई गाउँपालिकाको भेडिहारी, टिनडोबिया, पकहा मैनपुर गाउँपालिकाको धोरे, पकहा मैनपुर, सुर्जाहा, पोखरिया नगरपालिकाको पोखरिया, सतवरिया, धोबनी गाउँपालिकाको लगंडी, असवारी, हरिहरपुर लगायत दर्जन भन्दा बढी गाउँहरुमा सांस्कृतिक कार्यक्रम सम्पन्न भएको छ ।
धोरे र असवारि लगायत केहु गाउँमा बहिरबाट डान्स तथा ड्रामा पर्टी नै बोलाई कार्यक्रम गरिएको छ भने भेडिहारी, टिनडोबिया लगायतका गाउँमा स्थानिय युवाहरु आफै ड्रामा तथा नृत्य कार्यक्रम गरेका छन । छठ पुजा समितिको आयोजनामा पकहा मैनपुरमा भएको सांस्कृतिक कार्यक्रममा वडा अध्यक्ष मदन साह कानुको समेत उपस्थित रहेको थियो ।
दिपावली तथा छठमा बाहिरबाट अधिकांश गाउँका ब्यक्तिहरु घरमा आउने गरेका कारण यस्ता कार्यक्रम हुने गरेको भेडिहारिका जयप्रकाश चौरसियाले वताए ।
पहिला दिपावली तथा छठमा हामिहरु ड्रामा खेल्ने गरथ्यौ अहिलेका युवाहरु नृत्य कार्यक्रम गरिरहेको गदियानीका रामउदेश गिरि बताउँछन् । पहिले रामायण, महाभारत लगायतका धार्मिक तथा समाजिका ड्रामा खेलिन थियो तर अहिले हिन्दी तथा भोजपुरी टेलर खेलिन्छ र मात्र नृत्य गरिन्छ गिरिको भनाई छ ।
