पर्सा, २१ कार्तिक । ठोरी गाउपालिकाको वडा न. ४ फारलाईन निवासी सोम बहादुर बिक ( बिर्ष बहादुर बिक ) लाई आज एक कार्यक्रम बिच वडाध्यक्ष बैई बहादुर पाख्रीनको रोहवरमा निष्ट सोसाईटीले नवनिर्मित भवन हस्तान्तरण गरेको छ ।
हस्तान्तरण कार्यक्रममा निष्टका संयोजक प्रेम श्रेष्ठले बाढीपिडीतको घर बनाउन आर्थिक सहयोग गर्ने निष्टको सम्पुर्ण सदस्यहरु तथा कुसुमवाटीका मध्यवर्ती उपभोत्ता समितीका टंक प्रशाद तिमिल्सीना र खगेन्द्र श्रेष्ठलाई निष्टको अध्यक्ष निरकुमार श्रेष्ठ र आफ्नो तर्फवाट हार्दिक धन्यवाद दिनुभएको थियो ।
नवनिर्मित भवनको चावी निष्टको सदस्य द्वय टिकाराम श्रेष्ठ र हरि श्रेष्ठले हस्तान्तरण गरेका थिए । गत साउनमा आएको बाढीले सोम बहादुर बिकको घर डुवानमा परेर बस्न नसक्ने अवस्था थियो । र विक झुपडिमा वसेर निर्वाह गरिरहेका थिए ।
स्थानीय युवाहरु द्वारा गठन भएको संस्था निष्ट सोसाईटीले २०७४ अशोज २० गते शिलान्यास गरी भवन निर्माण सूरू गरेका थिए ।
