वीरगंज, १८ कात्तिक ।
भारतबाट नेपाल तर्फ अबैध रुपमा भन्सार छली ल्याउदै गरेको रु ३ लाख ७ हजार बराबरको लत्ताकपडा, स्ट्रिलका भाडा, पलाष्ट्रि झोला र ई. रिक्सा सहित एक जना ब्यक्तिलाई शसस्त्र प्रहरीले पक्राउ गरेको छ ।
शसस्त्र प्रहरी गुल्मबाट प्रहरी नायब उपरिक्षक तिलक बहादुर खड्काको कमाण्डमा खटिएको डियुटी टोलीले वीरगंज महानगरपालिकाको वडा नं. २, छपकैया निवासी बर्ष ३५ का सपिक अंसारीलाई पक्राउ गरेको हो ।
सशस्त्र प्रहरीले वीरगंज १६, रजतजयन्ती इलाकाबाट चेकजाच गर्ने क्रममा ना. १ ह. ५३५४ नम्बरको ई. रिक्सामा लोड गरि चोरी पैठारी गरी ल्याउदै गरेको सामान सहित अंसारीलाई पक्राउ गरिएको प्रहरी नायब उपरिक्षक तिलक बहादुर खड्काले वताए ।
आइतबार विहान विहान ८ः४५ बजेको समयमा पक्राउ गरि आवश्यक कर्वाही प्रक्रिया अगाडी बढाउन भन्सार कार्यालय वीरगंज बुझाएको प्रहरी नायब उपरिक्षक खड्काले वताए ।
