वीरगंज, १८ कात्तिक /
नारायणी उपक्षेत्रीय अस्पताल चिकित्सक, कर्मचारीको कमाइको भाँडो मात्र बनेको अस्पताल विकास समितिका पूर्वअध्यक्ष विनोद गुप्ताले बताएका छन् । नेपाल पत्रकार महासङ्घ पर्साको भवनमा शनिवार पत्रकार सम्मेलन गरी स्वेतपत्र जारी गर्दै उनले यस्तो दुःखेसो पोखेका हुन् । पाँच पन्ने श्वेतपत्र जारी गर्दै पूर्वअध्यक्ष गुप्ताले सशक्त प्रशासकको अभावमा अस्पताल दिन प्रतिदिन थलिंदै गएको बताए ।
“सरकारले हाल अस्पताल विकास समिति विघटन गरी प्रदेश सरकारको जिम्मा दिएको छ । प्रदेश सरकारले संरचना तथा कानून बनाएपछि अस्पताल विकास समिति आउँछ कि आउँदैन त्यो पछिको कुरा हो,” पत्रकार सम्मेलनमा गुप्ताले १२९ वर्षे अस्पतालमा आजको दिनमा दैनिक एक हजार बिरामी उपचारको लागि आउने गरे तापनि नेपाल सरकारको तर्पmबाट यस वर्षको बजेटमा एक रुपैयाँ पनि नाउक्षेलाई विनियोजन नगर्नु दुःखको कुरा भएको बताए ।
तोकिएका कर्मचारी तथा चिकित्सकको दरबन्दीभन्दा ७५ प्रतिशत कम जनशक्ति अस्पतालमा रहेको भन्दै कर्मचारीको सिन्डीकेट अभैm पनि जारी रहेको उनको भनाइ थियो । चिकित्सक तथा कर्मचारीहरूले नियुक्ति एक क्षेत्रमा लिने र काम अर्को क्षेत्रमा गर्ने, अस्पतालको मेशिन तथा प्रविधिलाई खराब पार्ने, शौचालयको सफाइ नगर्ने, टोकन वितरण गर्ने मेशिन बन्द गर्ने, डिजिटल हाजिरी नगर्नेलगायतका विकृतिहरू रहेको उनले बताए ।
अस्पतालको फिजिओ थेरापीका चिकित्सकहरूबाट महीनाको २०० रुपैयाँ पनि फाइदा नभएको, थाइराइडका अन्य चेकजाँचको प्रविधि पनि बन्द भएको, एम्बुलेन्स सेवा प्रभावकारी र उपयोगी बनाउन नसकिएको, मेडिकल अधिकृत भएर पनि बाहिर क्लिनिक बोर्डमा कन्सल्टेन्ट विशेषज्ञ नारायणी लेख्ने जस्ता विकृति, अस्पतालबाहिरका ठेलापसलेहरूले बाहिरका क्लिनिकमा बिरामी पठाउनेलगायतका निकृष्ट कामहरू भइरहेको गुप्ताले बताए ।
उनले अस्पतालको वातावरण सुधार गर्न र त्यहाँको विकृति तथा वातावरण सुधार गर्न सहयोग गरेको बताए । गुप्ताले आप्mनो कार्यकालमा एकजना कर्मचारी करारमा नियुक्त नगरेको, ११ जनाको जागीर खाएको, अस्पतालबाहिरको औषधिपसल बन्द गराएको, विचारी यादवको अनुदानको रु २४ लाखको जेनेरेटर अनुदान पाएको, पाकिस्तानी दूतावासको एम्बुलेन्स अनुदान ल्याएको, ३ वटा डाइलेसिस मेशिन सञ्चालन गरेको, शौचालयको टङ्की सफा गरेको, फुटाइएको पाइप मर्मत गराएकोलगायतका कामहरू गरेको बताए । आउँदो दिनमा पनि अस्पतालको वातारण सुधारको लागि खटिरहने उनले बताए ।
उनले अबको जोड अस्पताललाई १००० शैøयाको अस्पतालको लागि वीरगंज महानगर, प्रदेश सरकार, सङ्घीय सरकारलगायतले सहयोग गरी स्तरोन्नति गर्न आग्रह गरे । उनले हालको अवस्थामा प्रदेश सरकारको तर्पmबाट २० करोड रुपैयाँ अनुदान पाएको तर भवन निर्माणको लागि नभई मर्मतसम्भार तथा स्तर सुधारको लागि भनिएको छ, तर स्वास्थ्यमन्त्री उपेन्द्र यादवले प्रदेश नं २ को चिकित्साको अध्ययनका लागि सप्तरीको गजेन्द्रनारायण स्वास्थ्य प्रतिष्ठान स्थापनाको चर्चाले वीरगंजवासी दुःखी भएको पनि बताए ।
पत्रकार मनोज पटेलको सहजीकरणमा सम्पन्न कार्यक्रममा वीरगंज कलेजका दिलीप चौधरी, ठाकुर राम बहुमुखी क्याम्पसका प्रमुख प्रमोद कुशवाहाले मन्तव्य व्यक्त गरेका थिए ।
