वीरगंज, १३ कात्तिक ।
विधार्थीहरुको सक्रियतामा कात्तिक १४ गते बुधबार बलात्कार तथा महिला हिंसा विरुद्ध युवाहरूको भुमिका विषयक प्यानल छ्लफल हुने भएको छ । कक्षा ११ र १२ मा अध्ययनरत बिद्यार्थीहरुको सक्रियतामा र विभिन्न सरकारी तथा गैर सकारी संस्थाको समन्वयमा कार्यक्रम आयोजना गर्न लागिएको हो ।
युवाहरुको समूह वेल विशर्स नेपालको आयोजनामा भोलि बुधबार ११ बजे देखि ग्लोबल बिजनेस क्लेज वीरगंजमा हुने कार्यक्रमको तयारी पूरा भएको छ । मेरो शरीर, मेरो अधिकार, बलात्कार र हिंसाको गरौं प्रतिकार नाराको साथ आयोजना गर्न लागिएको कार्यक्रमको सम्पूर्ण तयारी पूरा भएको वेल वेशर्सका टिम लिडर प्रभाकर साहले वताए । कार्यक्रम अलग किसिमको र प्रभावकारी हुने साहले जानकारी गराए ।
गैर सरकारी संस्था सानोपाइला, सांस्कृतिक र ब्रिलिएन्ट युवा क्लबको साझेदारीमा हुन लागेको कार्यक्रमको मिडिया पार्टनर अनलाइन मिडिया कालिका टाइम्स र यात्रा डेलीकाे फेसबुक पेजबाट प्रत्येक्ष प्रचारण समेत हुने छ ।
