वीरगंज, १३ कात्तिक ।
एल.एस.न्यूरो एण्ड जेनेरल हस्पीटलको लपर्वाहीले आज एक जना विरामीको मृत्यु भएको आफन्तहरुले आरोप लगाएका छन । वीरगंज ८, पानीटंकी स्थित रहेको हस्पिटलको आइसियु कक्षमा भर्ना भई उपचार गराईरहेका भारत विहार मोतिहारी जिल्ला थाना पलनवा बहुअर्वा घर भएका २८ बर्षिय अनिल कुमार गुप्ताको मृत्यु भएको हो ।
मृतकका आफन्तहरुका अनुसार मोटरसाईकल दुर्घटनामा घाइते भएका गुप्ता हस्पीटलमा ११ दिन देखी भर्ना भई उपचार गराई रहेका थिए । उनले विहान घुमफिर समेत गरेको थिए । विहान साढे ६ बजेको करिबमा अस्पतालको नर्सले जबरजस्ती इन्जेक्सन दिएका कारण मृत्यु भएको मृतकका आफन्त निलमनी कुमार गुप्ताले आरोप लगाए ।
हामीले नर्सलाई इन्जेक्सन नदिन भने पनि उनी जबरजस्ती इन्जेक्सन दिएका कारण मृत्यु भएको आफन्तहरुको भनाई छ । मृतकका आफन्तहरु अस्पतालमा अहिले पुगी आरोप लगाउदै हुहल्ला समेत गरेका छन भने प्रहरीको अस्पतालमा बाक्लो उपस्थिती रहेको छ । यस बिषयमा अस्पताल प्रशासन संग बुझन खोज्दा सम्बन्धीत डाक्टर आए पछि उहांले नै यस बारेमा बताउने बताएको छ ।
