वीरगंज, १२ कात्तिक ।
सामाजिक संस्था जिल्ला समन्वय समिति, पर्साले आज आयोजना गरेको रक्तदान कार्यक्रममा ६ जना महिला सहित ३८ जनाले रक्तदान गरेका छन । वीरगंजको राधेमाई स्थित रहेको संस्थाको आफनै कार्यालयमा समितिले आयोजना गरेको रक्तदान कार्यक्रममा ३८ जनाले रक्तदान गरेको रक्त संचार केन्द्र वीरगंजका प्रमुख सरौभ राज पाण्डेले वताए ।
- Advertisement -
समाजिक संस्थाका अध्यक्ष इब्राहिम देवानको अध्यक्षतामा भएको कार्यक्रममा सुशिल साह, रुपक पाण्डे, नारायण रौनियार, मित्रदेव यादव, अरविन्द साह, राधिका कुमारी, धु्रवतारा केंवट, आरती पौडेल लगायतकाले रक्तदान गरेको संस्थाका हरिन्द्र साहले वताए । नेपाल रेडक्रस रक्त संचार केन्द्र वीरगंजको प्राविधिक सहयोगमा रक्तदान कार्यक्रम भएको थियो भने रक्त संचार केन्द्रकी दिलमाया घिमिरे नेतृत्वको प्राविधिकहरुको टोलीले प्राविधिक सहयोग गरेका थिए ।
