वीरगंज, १२ कात्तिक ।
गैरसरकारी संस्था महासंघ नेपाल पर्साको आज बसेको बैठकले ३ वटा महत्वपुर्ण निर्णय गरी सम्पन भएको छ । गैसस महासंघ नेपाल पर्साका अध्यक्ष छठु साहको अध्यक्षतामा बसेको बैठकले प्रदेश नम्बर २ का लागी गैरसरकारी संस्थाका भवन निमार्ण गर्न जग्गा उपलब्ध गराउन निर्णय गरेको छ ।
महासंघको केन्द्रिय कार्यालय काठमाण्डौले प्रदेश कार्यालयको भवन निर्माणको लागी केही रकम छुटयाउने भएकोले सो भवन पर्सामा नै निमार्ण गर्नको लागि जग्गा उपलब्ध गराउने निर्णय गरिएको महासंघ पर्साका कोषाध्यक्ष मनोज यादवले वताए । जग्गाका लागी बिरगंज महानगरपालिकामा पहल गर्न शाखाका सदस्य मनोज यादवलाई र पोखरीया नगरपालिकामा प्रभात मिश्रालाई जिम्मेवारी दिइएको छ ।
यसै गरी पर्साका १४ वटा स्थानिय तहमा गाउँपालिका र नगरपालिका स्तरिय गैरसरकारी संस्था महासंघ पर्सा गठन गर्ने निर्णय गरेको छ । १४ वटा स्थानिय तहमा गठन गरिने महासंघका लागी १४ वटाका लागी संयोजकहरु तोकिएको छ ।
बिरगंज महानगरका लागी सदस्य मनोज यादव, पर्सागढी नगरपालिका र बिन्दवासिनी गाउँपालिका लागी कोषाध्यक्ष मनोज यादवलाई, बहुदरमाई नगरपालिकाको लागि अरबिन्द साहलाई, सखुवाप्रसौनी गाउँपालिकामा अर्चना कुमारी रौनियारलाई, कालिकमाई र पकहामैनपुर गाउँपालिकामा ललन पटेललाई, जिराभवानी, पटेवर्वासुगौली, जगरनाथपुर, ठोरी, धोबिनी र छिपहरमाई गाउँपालिकाको नरेश जयसवाललाई जिम्मेवारी बैठकले दिएको छ ।
गैरसरकारी संस्थाहरुलाई बदनाम गर्ने केही तत्वहरु लागी परेका कारण प्रत्येक स्थानिय तह अनुसार महासंघ गठन गरी भ्रष्टाचारी र कमिसनखोरीको नियतीलाई परदाफास गरी पारदर्शिता ल्याउने बिभिन्न निकाय संग समन्व गर्ने समेत निर्णय बैठकले निर्णय गरेको छ ।
गैसस महासंघ पर्साको कार्यालय वीरगंज ८, पानीटंकीमा बसेको बैठकले पर्साका क्रियाशिल संस्थाहरुको विवरण भरी तुरन्त पर्सा शाखामा बुझाउने समेत निर्णय गरेको छ ।
