पोखरिया, १० कात्तिक ।
पर्सा ग्रामिण सुचना केन्द्र पोखरियाको आज बैठक सम्पन्न भएको छ । पोखरियामा बसेको बैठकले कात्तिक १७ गते, शनिबारका दिन सुवर्णपुरमा ग्रामिण सुचना केन्द्र संग आवद्ध पत्रकारहरुको भेला गर्ने निर्णय गरेको छ ।
भेलाले सुचना केन्द्रको नयाँ कार्य समिति चयन गरी संस्थालाई सक्रिय बनाउने बैठकले निर्णय गरेको केन्द्रका सचिव ओमप्रकाश चौधरीले वताए । स्थानिय सरकार गठन पछिको ग्रामिण भेगको पत्रकारको समस्या र चुनौतीको बारेमा छलफल गर्दै बैठक सम्पन्न भएको चौधरीले वताए ।
ग्रामिण सुचना केन्द्रका कार्यवाहक अध्यक्ष लालबाबु बानियाँको अध्यक्षतामा भएको बैठकमा नेपाल पत्रकार महासंघ, पर्साका उपाध्यक्ष अनुप तिवारी, ग्रामिण सुचना केन्द्रका कोषाध्यक्ष धर्मेन्द्र चौरसिया, शम्भु कुमार सुमन, कृष्ण मोहन साह, मेघराज राय, नरेश यादव, राजन कुमार बानियाँ, सुरेन्द्र सिंह लगायतकाको उपस्थिती रहेको थियो ।
