वीरगंज, ९ कात्तिक ।
पर्सा प्रहरीले लागु औषध नाईट्रोभेट ट्याबलेट सहित एक युवकलाई पक्राउ गरेको छ । पक्राउ पर्नेमा मकवानपुर मनहरी गा.पा. वडा नं. ८ बस्ने बिरबहादुर बि.क.को छोरा २२ बर्षका घनश्याम बि.क. रहेका छन ।
अस्थाई प्रहरी पोष्ट ईनर्वा पर्साबाट खटेको प्रहरी चेकजाँच टोलीले वीरगंज १६, ईनर्वा गाउँ स्थित सडकबाट लागु औषध नाईट्रोभेट ट्याबलेट सहित बिहिबार सांझ ५ बजे धनश्यामलाई पक्राउ गरेको जिल्ला प्रहरी कार्यालय पर्साले जनाएको छ ।
निजको साथबाट ला.औ.नाईट्रोभेट ट्याबलेट ३ पत्तामा १५ पिसको दरले ४५ पिस फेला परेकोले सो लागु औषध सहित निजलाई नियन्त्रणमा लिई जिल्ला प्रहरी कार्यालयमा ल्याई लागु औषध शिर्षकमा मुद्दा दर्ता गरी थप अनुसान्धान भइरहेको प्रहरीले जनाएको छ ।
भंसार छली लैजादै गरेको अवैध सर-समान बरामद
भारतबाट नेपालतर्फ ल्याउदै गरेको अबस्थामा बीरगंज महानगरपालिकाको विभिन्न स्थानहरुबाट प्रहरीले अवैध सर-समान बरामद गरेको छ । पंखा १ पिस, ग्यास चुलो १ पिस, प्रेसर कुकर १ पिस, आईरन १ पिस, चिम ५ काटुन, तेल १० लिटर, पलाष्टिक २ बोरा, बिष्कुट २४ प्याकेट, दालमोट ४ प्याकेट, पापड ३ प्याकेट, चकलेट ८ प्याकेट, दुधको ३ प्याकेट, हाईड्रो १ प्याकेट, राजनिवास ५ पिस, साईकल २ थान र पटकाहरु समेत नियन्त्रणमा लिई आवश्यक कार्वाहीको लागि बीरगंज भंसार कार्यालयमा पठाईएको जिल्ला प्रहरी कार्यालय पर्साले जनाएको छ ।
सालको काठ बरामद
ईलाका प्रहरी कार्यालय सेढवा पर्साबाट खटिएको प्रहरी गस्ती टोलीले गस्ती पर्सा जिराभवानी गा.पा.वडा नं.-३ सहजनपुर स्थितमा अबैध रुपमा ल्याउदै गरेको ७ फिट लम्बाई र ३.५ फिट गोलाई भएको साल गोलिया काठ १ थान र साईकल १ थान समेत नियन्त्रणमा लिई आवश्यक कार्वाहीको लागि जिल्ला बन कार्यालय बीरगंज पर्सामा बुझाइएको छ ।
