कलैया, ८ कात्तिक ।
जिल्ला प्रहरी कार्यालय बाराको प्रमुखमा प्रहरी उपरिक्षक सानुराम भट्टराई आएका छन । प्रहरी उपरिक्षक भट्टराईले आज जिल्ला प्रहरी कार्यालयमा बाराका पत्रकारहरु संग भेटघाट गर्दै जिल्लाको शान्ति सुरक्षामा फरक ल्याउने वताएका छन ।
सबै आउने नयाँ प्रहरी उपरिक्षकहरुले सुरक्षा व्यवस्था सुधार गर्ने वताए पनि त्यस्ताको त्यस्तै रहने गरेको पत्रकारहरुको गुनासो सुन्दै प्रहरी उपरिक्षक भट्टराईले पहिला भन्दा अब सुधार हुने दावी गरे । प्रहरी कार्यालयमा पुग्ने गरेको उजरी प्रहरी प्रमुख सम्म नपुगी विच मै रहने गरेको र समस्यालाई मिलाउने काम विचौलिया मार्फत हुने गरेको पत्रकारहरुले भट्टराईलाई जानकारी गराएका थिए ।
सरकारकारमा रहेका दलका नेता तथा कार्यकर्ताहरुले पिडितको समस्या समाधान गर्ने भन्दै अगुवाई गर्ने गरेको र प्रहरीबाट सहि अनुसन्धान नभएका कारण केही निर्दोषहरु समेत फस्ने गरेको प्रहरी प्रमुख भट्टराईलाई पत्रकारहरुले जानकारी गराएका थिए ।
पत्रकारहरुको गुनासो सुन्दै प्रहरी प्रमुख भट्टराईले सबै नियम अनुसारको काम गर्ने आग्रह गर्दै सबैलाई समेटी अगाडी बढने वताए । पत्रकार भेटघाट कार्यक्रममा रंजित सिंह राठोरको पनि सहभागिता रहेको थियो ।
