बीरगंज, ४ कार्तिक ।
बीरगंज २७ रामगढवामा गएराती मोटरसाईकलको ठक्करबाट घाईते भएकाहरुमध्ये १ जनाको उपचारको क्रममा मृत्यु भएको छ । एन एस न्युरो अस्पतालमा उपचारको क्रममा विरगंज महानगरपालिका वडा न. २४ रामगढवा निवासि ११ बर्षिय खुशबु कुमारीको आज विहान साढे ८ बजे मृत्यु भएको जिल्ला प्रहरी कार्यालय पर्साका प्रहरी निरिक्षक ज्ञानकुमार महतोले जानकारी दिनुभयो ।
अन्य घाइतेमध्ये रेनु कुमारी पटेल, पप्पु पटेलको एन एस न्युरो अस्पतालमा उपचार भइरहेको छ भने प्रतिमा देविको नारायाणी उपक्षेत्रिय अस्पतालामा उपचार भइरहेको छ । त्यस्तै भुबन पटेल र राम निलमको उपचार पछि डिस्चार्ज भएको छ । गएराती करीब ८ बजे झिझिया डुबाउन जादै गरेका बालिकाहरुको समुहलाई पश्चिम तर्फबाट तिब्र गतिमा आईरहेको अनटेस्ट वान फिफ्टी पल्सर मोटरसाईकलले ठक्कर दिएको थियो ।
विरगंज महानगरपालिका वडा न. १७ अलौ टोल बस्ने राजेन्द्र रामका २४ बर्षिय छोरा मोटरसाइकल चालक सुरेश राम र मोटरसाइकल प्रहरीको नियन्त्रणमा लिइएको छ । घटनाको बारेमा थप अनुसंधान भईरहेको जिल्ला प्रहरी कार्यालय पर्साले जनाएको छ ।
