बारा, ४ कात्तिक ।
बाराको जितपुर सिमरा उपमहानगरपालिका –४ को औराहका ४० वर्षे सुरेन्द्र रामले आइतबार बिहान आफ्नो २ जना छोराको हत्या गरी आफू पनि आत्महत्या गरेका छन् ।
रामले आफ्नो ५ वर्षका छोरा सुबिन राम र ३ वर्षको विपिन रामको हत्या गरी आफूले पनि झुण्डिएर आत्महत्या गरेको प्रहरीको अनुमान छ । तीनैजनाको शव पोष्टमार्टमका लागि वीरगञ्ज नारायणी उपक्षेत्रीय अस्पताल लगिएको इलाका प्रहरी कार्यालय सिमरालेे जनाएकााे छ ।
मानसिक तनावका कारण रामले यस्तो गरेको हुन सक्ने प्रहरीको प्ररम्भीक अनुसन्धानले देखाएको छ । घटनाको बारेमा थप अनुसन्धान भैरहेको इलाका प्रहरी कार्यालय सिमराका प्रहरी निरिक्षक सुबास हमालले जानकारी दिए ।
