बीरगंज ३० असोज ।
इलाका प्रहरी कार्यालय सेढवा पर्सामा निर्मित दुर्गा मन्दिरको आज एक समारोहका विच पर्साका प्रहरी उपरिक्षक रेवती ढकालले उद्घाटन गर्नु भएको छ ।
- Advertisement -
बडा दशैंको अवसरमा आयोजित दुर्गा मन्दिर उद्घाटन कार्यक्रमलाई सम्बोधन गर्दै प्रहरी उपरिक्षक ढकालले माता दुर्गाको आशिर्वादले पर्सामा अपराध नियन्त्रण गर्न प्रहरी सफल भएकोबताउनु भयो ।
सो अवसरमा उहांले प्रहरीको एकलो प्रयासले मात्र अपराध नियन्त्रण नहुने बताउदै स्थानिय वासिन्दाको सहयोग र समर्थन रहे प्रहरीले शान्ति सुरक्षा र अमन चयन कायम राख्ने अभियानमा सफता पाउने बताउनु भयो ।
हाल पर्सा प्रहरी अपराध नियन्त्रण संगै समाज सुधारका गतिविधिमा समेत अगाडी बढेको बताउदै समृद्ध समाज निर्माणका लागि सबै पक्षसंग हातेमालो गर्दै प्रहरी अगाडी बढने कुरामा जोड दिनुभयो ।
