कास/कलैया, २७ असोज ।
राजदेवी सांगितिक समूहको १५ औं वार्षिक उत्सव तथा बडा दशैको उपलक्ष्यमा आज बाराको कलैयामा खुल्ला रक्तदान कार्यक्रम सम्पन्न भएको छ ।
राजदेवी सांगितिक समुह कलैयाले राजदेवी मन्दिरको प्राङ्गनमा आयोजना गरेको रक्तदान कार्यक्रममा ६ जना महिला सहित ५२ जनाले रक्तदान गरेको रक्त संचार केन्द्र वीरगंजका प्रमुख सौरभ राज पाण्डेले वताए ।
निरज नेपालीको अध्यक्षतामा भएको कार्यक्रममा कलैया उपमहानगरपालिकाका मेयर राजेश राय यादव, प्रभु बैंक कलैयाका प्रबन्धक चन्दन प्रसाद, गोपाल सेवा समितिका अध्यक्ष जंगबहादुर यादव, राजदेवी मन्दिर व्यवस्थापन समितिका अध्यक्ष दिव्यनाथ श्रेष्ठ लगायतकाले मन्तव्य राखेका थिए भने कार्यक्रमको संचालन सविन सिगदेलले गरेका थिए ।
