वीरगंजमा,२५ असोज ।
वीरगंजमा रहेको नारायणी उपक्षेत्रीय अस्पतालले डाइटिसियन (पोषणविज्ञ) नियुक्त गरेका छन् । अस्पतालमा डाइटिसियन अनिवार्य भए पनि भने विगतमा डाइटिसियन नहुँदा अस्पतालमा उपचारका लागि आउने बिरामीलाई रोग अनुसार को खाना खाने, कसरी खाने भन्ने बारेमा आवश्यक सुझाव दिन असहज रहेको थियो । बिरामीको स्वास्थ्यलाई सहज पार्न सन्तुलित आहार महत्वपूर्ण रहने भएकाले अस्पतालले डाइटिसियन नियुक्त गरेको अस्पतालका मेडिकल सुपरिटेण्डेन्ट डा. इमामुल हकले जानकारी दिनुभयो ।
अस्पतालले निशा सिंहलाई एक महिनाअघि डाइटिसियनमा नियुक्त गरेको छ । विगतका दिनहरुमा सो पद खाली रहेका कारण हाल बिरामीको स्वास्थ्यलाई मध्यनजर गर्दै डाइटिसियन नियुक्त गरिएको मेसु हकले बताए ।
सिंहले भिमराव अम्बेडकर विश्वविद्यालयबाट डाइटिसियन सम्बन्धी ३ वर्षे ग्राजुएसन कोर्स गर्नुको साथैं दिल्लीमा रहेको म्याक्स सुपर स्पेसालिटी हस्पिटलमा केही समय सम सेवा समेत गर्नुभए छ ।
डाइटिसियन निशा सिंह औषधि सेवनले भन्दा सन्तुलित भोजनले मानिसको स्वास्थ्य सबल र अस्पतालमा उपचारका लागि आउनेमध्ये विशेषगरी मिर्गौलाको डाइलायसिस गरिरहेका बिरामी, मुटु तथा महुमेहका रोगीहरु, कुपोषणमा परेका बालबालिका तथा गर्भवती महिला बढी लाभान्वित भएको बताउनुभयो । अहिले सिंहको दैनिकी अस्पतालमा उपचारका लागि आउने बिरामीलाई खाना कसरी खाने, कुन समयमा कुन खाना खाने, कति परिमाणमा खाना खाने भनेर सुझाव दिँदैमा बित्ने गरेको छ ।
बिरामीहरु पनि आफूले दिएको सल्लाह बमोजिम सन्तुलित आहार सेवन गर्न लागेको र यसले नियमित रुपमा डाइलायसिस गर्न आउने बिरामीमा सकारात्मक प्रभावसमेत देखिएको जनकारी दिनुभयो ।
सन्तुलित भोजनको बारेमा जानकारी नहुँदा मान्छेहरु जथाभावी खाना खाने गर्छन । जथाभावी रुपमा खाने खानाले मानव स्वास्थ्यमा नराम्रो असर पर्ने तथा स्वस्थ हुनका लागी तन्दुरुस्त हुन सन्तुलित खाना सबैले खानुपर्ने सिंहले बताउनुभयो ।