जोतीलाल पंडित /

वीरगंज । वीरगंज महानगरपालिकाकाे वडा नं १६ बाईसपास स्थित माईदिया पोखरी नजिक रहेको शिव मंदिर जिर्ण बन्दै गएको छ । शिव मंदिरको संरचना पुरानो भएको कारण र केहि दिन देखी लगातारको वर्षाले गर्दा मंदिर जिर्ण अवस्थामा पुगेको हाे ।

श्रावण महिनामा पुजाआजा गर्न आउने स्थानीहरुलाई गतवर्ष देखि नै समस्या भाेगिरहनु परेकाे छ । मानिसहरुको धार्मिक आस्थाको केन्द्रको रुपमा रहेको यो मन्दिरको संरक्षणमा सरोकारवाला पक्षको ध्यान जानसकेकाे छैन । मन्दिरमा लगाइएको पर्खाल भत्किएका छन् । मन्दिरकाे पर्खाल भत्किएको कारण आसपासमा चरण क्षेत्र भएकोले यहाँ गाईबस्तु छिरने गरेकाे र पानी समेत मन्दिरभित्र जम्ने गरेकाे स्थानीयहरूले वताएका छन् ।

स्थानीय तथा पुजा गर्न आउने भक्तजनहरूले वडा र वीरगंज महानगरपालिकामा समेत यसको पुर्ननिर्माणका लागी पटकपटक भन्दै आएको स्थानीय नितेश कुमार वर्णवालले बताए ।

उनका अनुसार मंदिर छेउमा रहेको पोखरी निमार्णको कार्य भईरहदा पनि वडा अध्यक्ष तथा मेयर शिंहको ध्यान केन्द्रित नभएको बताए । अहिले श्रावण महिना सुरू भएसंगै पुजाआजाको लागी स्थानीय भक्तजन आउने गरकोले मंदिरको संरचना मर्मत गर्नु पर्ने हुन्छ । लामो समयदेखि उक्त मंदिरको संरचनामा स्थानीय सरकारले ध्यान नदिएको कारण मंदिरको अवस्था झनै जरजर अवस्थामा पुगेको छ । यश बिषयमा सम्बन्धित सबैकाे ध्यान जान जरुरी छ ।

वीरगंज । बाराकाे जितपुर सिमरा उप-महानगरपालिका वडा नं.२३ भलुही स्थित नोबेल स्टाईल प्रा.लि. अगाडी मंगलबार विहान भएकाे बस दुर्घटनामा १७ जना घाइते भएका छन् ।

भैरहवादेखि वीरगंज तर्फ आउँदै गरेको ना ७ ख ६०७६  नम्बरको यात्रुबाहक बस अनियन्त्रित भई सडक छेउमा पल्टिदा बसमा सवार २२ जना यात्रुहरु मध्ये १७ जना घाइते भएकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक (डिएसपी) दधिराम न्याैपानेले जानकारी दिए ।

घाईतेहरुलाई उपचारका लागी बयोधा अस्पताल, वीरगंजमा पठाइएको र बस चालक चितवनकाे राप्ती नगरपालिका वडा नं.०६ भण्डारा बस्ने बर्ष ३० का सागर न्यौपानेलाई नियन्त्रणमा लिई थप अनुसन्धान कार्य भई रहेको डिएसपी न्याैपानेले वताए । घाइतेहरु मध्ये ३ जनाकाे अवस्था गम्भिर, ७ जना अवस्था मध्यम र ७ जना अवस्था सामन्य गरेकाे बयाेधा अस्पतालले जनाएकाे छ ।

घाईतेहरूको विवरण

1. जिल्ला बारा, जितपुरसिमरा उ.म.न.पा. वडा नं.७ बस्ने अ.बर्ष ३३ को शंकर गुरूङको टाउकोमा चोट ।(अवस्था गम्भिर)
2. हाल नाम थर वतन नखुलेको अ.बर्ष २४ को पुरूष ब्यक्तीको अनुहारमा चोट ।(अवस्था गम्भिर)
3. जिल्ला बारा, कलैया उ.म.न.पा.वडा नं. १८ मोतिसर बस्ने अ.बर्ष २१ को कन्हैया गुप्ताको कान,अनुहार,शरिरमा चोट ।(अबस्था गम्भिर)
4. जिल्ला चितवन, कालिका गा.पा. वडा नं. ५ बस्ने  अ.बर्ष ५५ को तिलक भट्टाराईको अनहार र छातिमा चोट ।(अवस्था मध्यम)
5. जिल्ला मकवानपुर, हेटौडा उ.म.न.पा. वडा नं. १५ बस्ने अ.बर्ष ३५ को सागर गोलेको अनुहारमा चोट ।(अवस्था मध्यम)
6. ऐ.ऐ.०४ बस्ने अ.बर्ष ३० को अमिर थापाको कानमा चोट ।(अवस्था मध्यम)
7. जिल्ला पर्सा, बिरगंज म.न.पा. वडा नं. ५  बस्ने अ.बर्ष ५० को दिपेन्द्र  कुमार गुप्ताको पाखुरा र कन्चटमा चोट।(अबस्था मध्यम)
8. ऐ.ऐ.१५ बस्ने अ.बर्ष ४२ को बिक्रम राना मगरको हात र गालामा चोट ।(अवस्था मध्यम)
9. जिल्ला बारा, गढीमाई न.पा. वडा नं. ५ बस्ने अ.बर्ष १८ को सर्वजित रामको छाती र कमरमा चोट ।(अवस्था मध्यम)
10. देश भारत, रक्सौल बस्ने अ.बर्ष १८ को साहिद अंसारीको निधारमा चोट ।(अवस्था मध्यम)
11. जिल्ला बारा, जितपुरसिमरा उ.म.न.पा. वडा नं.३ बस्ने अ.बर्ष ३३ की जानुका ढुङगानाको हातमा चोट ।(अवस्था सामान्य)
12. .जिल्ला मकवानपुर, हेटौडा उप-महानगरपालिका वडा नं. ०९ बस्ने अ.बर्ष ५३ की गौरी श्रेष्ठको अनुहारमा चोट ।(अवस्था सामान्य)
13. जिल्ला पर्सा, बिरगंज म.न.पा. वडा नं. ६ माई स्थान बस्ने अ.बर्ष  १८ को स्वयव अंसारीको कन्चटमा चोट ।(अवस्था सामान्य)
14. मकवानपुर, हेटौडा उ.म.न.पा. वडा नं. १५ बस्ने अ.बर्ष २५ को सुमन लामा को कानमा चोट ।(अवस्था सामान्य)
15. जिल्ला मकवानपुर हेटौडा उ.म.न.पा. ८ बस्ने अ.बर्ष ३९ की सरस्वती काफले अनुहार चोट ।(अवस्था सामान्य)
16. बस सह-चालक जिल्ला पर्सा ठोरी गा.पा.२ चन्द्र बहादुरको छोरा अ.बर्ष २१ रुपेश तामाङको सामान्य चोट । (स्थानिय मेडिकलमा उपचार भई रहेको)
17. बसको कन्टेकटर जिल्ला, चितवन कालिका न.पा. वडा नं. १० बस्ने सुम बमजमको छोरा अ.बर्ष २८ को राकेन्द्र बमजमको हातमा चोट अवस्था सामान्य । (स्थानिय मेडिकलमा उपचार भईरहेको)

वीरगंज । नवनियुक्त खानेपानी मन्त्री प्रदीप यादवले साेमबार मन्त्रालय पुगेर पदभार ग्रहण गरेका छन् । पदभार ग्रहण गर्नुअघि शीतल निवासमा आयोजित समारोहमा उनले पद तथा गोपनीयताको शपथ लिएका थिए ।

पदभार ग्रहण गरेपछि मन्त्री यादवले मन्त्रालयका सचिव स्तरीय निर्णयअनुसार ७ सदस्यीय सङ्गठन तथा व्यवस्थापन सर्वेक्षण समितिको प्रतिवेदनलाई मन्त्रिपरिषदमा स्वीकृतिका लागि सङ्घीय मामिला तथा सामान्य प्रशासन मन्त्रालयमा पठाउने निर्णय गरेका छन्।

पदभार ग्रहण गर्दै मन्त्री यादवले आफ्नो प्राथमिकता सबै नेपाली नागरिकलाई सुरक्षित र स्वच्छ खानेपानीको पहुँच सुनिश्चित गर्नु रहेको बताए । उनले भने, “आधुनिक प्रविधिको प्रयोगद्वारा खानेपानी वितरण प्रणालीलाई सुधार गर्ने र मन्त्रालयका सम्पूर्ण काम कारबाहीलाई पारदर्शी र उत्तरदायी बनाउन म प्रतिबद्ध छु।”

उनले स्थानीय तहहरूसँग सहकार्य गर्दै खानेपानी व्यवस्थापनमा सक्रिय सहभागिता सुनिश्चित गर्ने पनि प्रतिबद्धता व्यक्त गरे ।

मन्त्री यादवले आफूलाई खानेपानी मन्त्रीको जिम्मेवारी दिएर विश्वास गरेकोमा प्रधानमन्त्री केपी शर्मा ओलीप्रति आभार प्रकट गर्दै भने, “यस महत्त्वपूर्ण जिम्मेवारीलाई प्रभावकारी रूपमा सम्पादन गर्न तपाईँको मार्गदर्शन र समर्थनले सम्पूर्ण प्रयास गर्ने वाचा गर्दछु।”

यादवले जनता समाजवादी पार्टीका अध्यक्ष अशोक कुमार राई लगायत पार्टीका सबै पदाधिकारीहरूलाई विशेष धन्यवाद ज्ञापन गर्दै भने, “तपाईँहरूको नेतृत्व र प्रेरणाले मलाई अझ बढी समर्पित र उत्साहित बनाएको छ।”

आफ्नो निर्वाचन क्षेत्र पर्सा – १ का सम्पूर्ण जनता, परिवारका सदस्यहरू र सम्पूर्ण शुभचिन्तकहरूप्रति आभार प्रकट गर्दै उनले भने, “तपाईँहरूको समर्थन र विश्वासले नै आज म यो स्थानमा पुगेको छु।” यस अघिकाे मन्त्रीपरिषदमा यादव से्वास्थ्यमन्त्री थिए ।