वीरगंज । पर्साको कलिकमाई गाउँपालिका वडा नं. २ मा रहेकाे श्री रामजानकी प्राथमिक विद्यालय भेडिहारीकाे विद्यालय व्यवस्थापन समिति बुधबार गठन भएकाे छ ।

हरिकिसोर पासवानकाे अध्यक्षतामा सर्वसहमत विद्यालय व्यवस्थापन समिति गठन भएकाे वडाध्यक्ष साेनालाल प्रसाद चाैरसियाले वताए ।

नवगठित विद्यालय व्यवस्थापन समितिकाे सदस्यमा सत्रुधन प्रसाद चौरसिया, रम्भा देवी, फुलमती देवी र लालमती देवी रहेका छन् ।

वडाध्यक्ष चौरसियाको अध्यक्षतामा सम्पन्न सदस्यहरूको बैठकले विद्यालय व्यवस्थापन समितिको अध्यक्षमा पासवानलाई सर्वसहमत चयन गरेकाे हाे ।

साे बैठकमा विद्यालयका प्रधानाध्यापक रामबचन प्रसाद चौरसिया, समाजसेवी सञ्जय साह कानु लगायतको उपस्थिती रहेको थियो ।

वीरगंज । पर्साकाे पकहाँ मैनपुर गाउँपालिकामा मंगलबार भ्रष्टाचार नियन्त्रण तथा सुशासन प्रबर्द्धन सम्बन्धी अन्तरक्रिया कार्यक्रम सम्पन्न भएकाे छ ।

अख्तियार दुरुपयोग अनुसन्धान आयोग कार्यालय हेटौडाको आयोजनामा गाउँ कार्यपालिकाकाे कार्यालय पकहाँ मैनपुरमा भएकाे पालिका स्तरिय अन्तरक्रिया कार्यक्रम सम्पन्न भएकाे हाे ।

अख्तियार दुरुपयोग अनुसन्धान आयोगकाे कार्यालय हेटौडाका उपप्रमुख सुरेन्द्र घिमिरेको अध्यक्षतामा भएकाे कार्यक्रममा वाेल्लै गाउँपालिका अध्यक्ष अध्यक्ष सुरेश प्रसाद मेहताले अख्तियारमा उजरी गर्नु पुर्व गाउँपालिका कार्यालयामा गुनासो गर्नु पर्ने वताए ।

उनले गाउँपालिकामा आएकाे गुनासाे सम्बाेधन नभएपछि अख्तियारमा उजरी गर्नु पर्ने वताए । कार्यक्रमका प्रमुख अतिथी समेत रहेका अध्यक्ष मेहताले गाउँपालिकाकाे हरेक गतिबिधीमा जनताले निगरानी गर्नुपर्ने वताए ।उनले ठेकेदारले राम्राे काम नगरेकाे खण्डमा साेही ठाउँमा काम रोक्नु पर्ने वताए ।

अख्तियार दुरुपयोग अनुसन्धान आयोग कार्यालय हेटौडाका उपप्रमुख घिमिरेले २०७९।२०८० मा संघमा ३ सय ५६, प्रदेशमा ४ सय १ र स्थानिय तहमा १५ सय ६९ उजुरी परेको वताए । उनले परेकाे उजरी अन्तर्गत संघका २ सय ४५, प्रदेशका २ सय ५१ र स्थानिय तहका ९ सय ५० फर्छाैट भइसकेकाे बताए ।

उनले मधेश प्रदेशकाे बारा जिल्लामा १ बर्षमा ५ सय ४१, पर्सामा ४ सय ४९, मकवानपुरमा ४ सय ६७, रौतहटमा ४ सय ५७ उजुरी परेको बताए । उनका अनुसार पर्सामा सब भन्दा बढी मुद्धा वीरगंज महानगरपालिकामा १ सय ३५ उजरी परेकाे छ । 

यसैगरी धोबिनी गाउँपालिकामा ३०, छिपहरमाईमा २९, पकहाँ मैनपुरमा २० र कालिकामाई २१ उजरी परेकाे छ । १ सय ८५ देशमा २०२२ सम्मको डाटा अनुसार नेपाल १ सय १० औ स्थानमा रहेको छ भने पहिलाको डाटा अनुसार १ सय १७ स्थानमा थियो । उनले पहिला भन्दा अहिले भ्रष्टाचारमा केही सुधार भएको पनि बताए । 

कार्यक्रममा अख्तियार दुरुपयोग अनुसन्धान आयोग कार्यालय हेटौडाका प्रहरी नायब निरिक्षक डा. हेमबहादुर केसीले सार्वजनिक निमार्ण, अनुगमन समाजिक सुरक्षा, भ्रटाचार गर्ने संरचनागत ब्यवस्था, संगठानिक एवम् कानुनी संरचनाकाे बारेमा जानकारी गराएका थिए ।

कार्यक्रममा पकहाँ मैनपुर गाउँपालिकाकाे वडा नम्बर १ का वडाध्यक्ष बिनोद मेहता, विद्यालय ब्यवस्थापन समितीका अध्यक्ष बृजमोहन पाण्डे, बिरेन्द्र यादव, प्रधानाध्यापक राधा बैठा, ईन्जिनियर भोला साह कलवार, वडा नमबर ५ का वडा सचिव ताजेश्वर कुश्वाहा लगायतकाले आ आफना जिज्ञासा तथा सुझावहरु राेखका थिए ।

वीरगंज । वीरगंज महानगरपालिका वडा नं १७ अलौको सिवान टोलस्थित शनिबार लागेकाे महाबिरी झण्डा मेलामा प्रहरीले ज्यादती गरेकाे स्थानियहरुले आराेप लगाएका छन् । मेलामा शनिबार राति शान्तिपूर्ण तरिकाले नाच नाचिरहे पनि प्रहरीले अवराेध गर्दै लाठी चार्ज समेत गरेकाे स्थानियहरुकाे भनाई छ ।

प्रहरीले ज्यादती गरेकाे भन्दै स्थानियहरु आइतबार अलाैंकाे हनुमान मन्दिर चाैकमा टायर बालेर प्रदर्शन समेत गरेका छन् ।

मेलामा नाच नचाउने विषयमा दर्शक र नेपाली सुरक्षाकर्मीबीच विवाद भएकाे थियो । विवाद झडपमा परिणत हुँदा एक जना सर्बसाधारणसहित केही सुरक्षाकर्मी समेत घाइते भएका छन् । प्रहरीले राती ११ बजेपछि नाच नचाउन नपाउने भन्दै अवरोध गरेको थियो । तर पनि राती १२ बजेसम्म नाच नचाउन दिइएको थियो ।

राति १२.३० बजेपछि नचाउने काम नरोकिएको कारण स्थानीय प्रहरीले जिल्ला प्रहरी कार्यालय पर्साबाट थप प्रहरी मगाएपछि नाच हेर्न आएका दर्शकहरुमाथि प्रहरीले लाठीचार्ज गरेको थियो ।

लाठीचार्ज पछि सो स्थानको अवस्था तनावग्रस्त भएको थियो । नेपालको सिवानटोल र भारतीय सीमावर्ती गाउँ हरैयाका स्थानीयवासीले प्रहरीमाथि ढुंगा प्रहार गरेपछि केही सुरक्षाकर्मी समेत घाइते भएकाे वताइएकाे छ ।

झडपमा प्रहरी चौकी श्रीसियाका सहायक प्रहरी हवल्दार सुबोध कुमार यादव, प्रहरी जवानद्वय सुभाष चौधरी, रोसन सिंहल घाइते भएकाे बुझिएकाे छ ।

प्रहरीले भिडलाई तितरवितर पार्न ३ राउन्ड अश्रुग्याँस र १ थान रबरको गोली प्रहार गरेको जिल्ला प्रहरी कार्यालय पर्साका प्रवक्ता डीएसपी कुमार विक्रम थापाले बताए।

घटनामा हरैयाका १७ वर्षीय युवक राजनकुमार घाइते भएका छन् । उनको बायाँ खुट्टामा गम्भीर चोट लागेर डंकन अस्पतालमा उपचार भइरहेका छ । घाइते परिवारजनका अनुसार प्रहरीको गोलीको छर्रा लागेर राजन घाइते भएको दावी गरिएको छ । तर सुरक्षा निकायले उनीमाथि गोलि नचलाएको र भाग्ने क्रममा लडेर चोट लागेको हुन सक्ने अथवा अश्रु ग्याँसको सेलबाट खुट्टा पोलेको हुन सक्ने भनी आशंका गरेको छ।

हरेकवर्ष छठ पर्वको १५ दिनपछि महाबिरी झण्डा मेला दुई देशको गाउँ नेपालको शिवानटोला र भारतको हरैया गाउँका स्थानीयको संयुक्त सहमतिमा मेला समिति चयन गरेर झण्डा मेला लाग्दै आएको छ ।

हिजोको महाबिरी झन्डा मेलामा भारत बिहार मझौलियाका चर्चित नाच ल्याइएको थियो । मेलामा रातिकाे समय धेरै बर्ष पहिलादेखि नाच नाच्दै आएपनि यस बर्ष प्रहरीले अवराेध गरेपछि विवाद भएकाे स्थानियहरुले वताएका छन् ।