वीरगंज, १९ असोज ।
बिपत जोखीम न्युनिकरण सम्बन्धी पर्साका सरोकारवालाहरुको बैठक आज वीरगंजमा सम्पन्न भएको छ । बैठकमा वोल्दै सरोकारवालाहरुले जनप्रतिनिधीहरु आफ्नो जिम्मेवारी नबुझदा पर्सामा बिपत जोखीम न्युनिकरण तथा बिपत ब्यवस्थापन संतोषजनक हुन नसकेको आरोप लगाएका छन ।

जिल्ला बिपत ब्यवस्थापन समिती पर्साका संयोजक तथा प्रमुख जिल्ला अधिकारी लोकनाथ पौडयालको अध्यक्षतामा र जिल्ला समन्वय समिती पर्साका प्रमुख नेकमहम्मद अंसारीको प्रमुख आतिथ्यमा बैठक सम्पन्न भएको हो । बैठकले बिपत जोखीम न्युनिकरण अन्र्तराष्ट्रिय दिवस यहि आश्विन २७ गते देखी एक हप्ता मनाईने निर्णय गरेको छ ।

अन्तराष्टिय दिवस प्रत्येक स्थानिय तहले आ आफ्नो स्थानिय तहमा मनाउने निर्णय भएको छ । जिल्ला स्तरीय कार्यक्रम असोज २७ र २८ गते २ दिन भब्यताका साथ बिरगंजमा मनाईने पनि निर्णय भएको छ । त्यसको संयोजनको जिम्मेवारी बिरगंज महानगरपालिकालाई दिइएको प्रमुख जिल्ला अधिकारी लोकनाथ पौडेलले बताए ।

कार्यक्रममा १४ वटा स्थानिय तहका प्रमुख र प्रमुख प्रशासकिय अधिकृतहरुलाई बोलाइए पनि ५ वटा स्थानिय तहको मात्र उपस्थिती रहेको थियो । बिपत जोखीम न्युनिकरण तथा बिपत ब्यवस्थापनको प्रस्तुती प्रमुख जिल्ला अधिकारी पौडयालले गर्नु भएको थियो । जिल्ला बिपत ब्यवस्थापन समितीको आयोजनामा बिरगंज महानगरपालिकाको सभाहालमा बैठक बसेको थियो ।

वीरगंज, १६ असाेज ।
किशाेरी सशक्तिकरणको लागि जोखिममा परेका किशोरीहरुलाई मंगलबार शैक्षिक सामग्री वितरण गरिएको छ । युराेपियन युनियनकाे सहयोगमा र नेपाल ग्रामिण पुननिर्माण संस्था (आ.आर.एन.) काे अायाेजनामा ४७ जना किशोरीहरुलाई शैक्षिक सामग्री वितरण गरिएको सुपरभाइजर सुनेशवर साहले वताए ।

पि.एन. र सि.एन. को सहकार्यमा संचालित किशोरी सम्बाद कार्यक्रम अन्तरगत वीरगंज महानगरपालिकाको वडा नम्बर २९ को मुसैली, रतनपुर, बसडिलवा र ३० को लालपर्सा र प्रसोतिपुरका जोखिममा परेका किशोरीहरु लाई शैक्षिक सामग्री वितरण गरिएको हाे ।

सामग्री वितरण कार्यक्रममा अार.अार.एन. काे किशोरी सम्बाद कार्यक्रमका टिम लिडर भानु पराजुली, कार्यक्रम संयोजक भागवती शर्मा भण्डारी, वडा अध्यक्ष अमानत अंसारी, वडा सदस्य बुधिया देवी, सम्वाद अधिकृत प्रकाश पाण्डे लगायतकाको सहभागिता रहेको थियो ।