वीरगञ्ज । मधेश प्रदेशमा नियमित प्रकाशन हुने पत्रपत्रिकाको संख्यामा सप्तरी पहिलो र पर्सा दोस्रो स्थानमा रहेको पाइएको छ।
प्रेस काउन्सिल नेपालले सार्वजनिक गरेको आर्थिक वर्ष २०८२र८३ को तथ्यांकअनुसार सप्तरीमा ७१ र पर्सामा ५८ वटा पत्रपत्रिका नियमित प्रकाशनमा रहेका छन्।
यस्तै, धनुषामा ४३, बारामा २४, सिराहामा १२, महोत्तरी र रौतहटमा १०–१० तथा सर्लाहीमा ८ वटा पत्रपत्रिका नियमित प्रकाशन भइरहेका छन्।
काउन्सिलका अनुसार देशभरका ६८ जिल्लाबाट ९२७ वटा पत्रपत्रिका नियमित प्रकाशनमा छन्। तीमध्ये दैनिक २२५, अर्धसाप्ताहिक ३, साप्ताहिक ५३३, पाक्षिक १२, मासिक १०८, द्वैमासिक १६, त्रैमासिक २१ र वार्षिक एक वटा छन्।
तथ्यांकले मधेश प्रदेशमा छापा सञ्चारमाध्यमको उपस्थिति जिल्लाअनुसार फरक रहेको देखाएको छ। पर्सामा ५८ वटा पत्रपत्रिका नियमित प्रकाशनमा रहनुले वीरगञ्जसहित जिल्लाको सञ्चार क्षेत्रमा रहेको सक्रियतालाई समेत प्रतिबिम्बित गरेको छ।
