Date
बुध, मंसिर २, २०८३
Wed, November 18, 2026

धनुषाको भेनियर उद्योगबाट ६७५ क्युफिट सिमलको काठ बरामद

spot_img
spot_img

वीरगंज । धनुषाको मिथिला नगरपालिका–२ स्थित कमला भेनियर उद्योगबाट ६७५ क्युफिट सिमलको काठ बरामद भएको छ।

डिभिजन वन कार्यालय धनुषाले विशेष सूचनाका आधारमा सोमबार साँझ विश्वकर्मा चोकनजिक रहेको उद्योगमा छापा मारेर काठ नियन्त्रणमा लिएको हो। वन कार्यालयका अनुसार उद्योग परिसरबाट ७८ थान सिमलको काठ बरामद गरिएको छ।

डिभिजन वन अधिकृत विनोद सिंहका अनुसार बरामद काठको स्रोत र त्यससँग सम्बन्धित आवश्यक कागजात उद्योग सञ्चालकले तत्काल देखाउन नसकेपछि नियन्त्रणमा लिइएको हो।

सब–डिभिजन वन कार्यालय पुष्पवलपुर र डिभिजन वन कार्यालय धनुषाबाट खटिएको संयुक्त टोलीले उद्योगमा जाँच गरेको थियो। जाँचका क्रममा ठूलो परिमाणमा सिमलको काठ भण्डारण गरी राखिएको अवस्थामा फेला परेको सिंहले बताए।

बरामद काठ वैध स्रोतबाट ल्याइएको हो वा होइन भन्ने विषयमा वन कार्यालयले अनुसन्धान गरिरहेको छ। काठ कहाँबाट ल्याइएको हो, कसले आपूर्ति गरेको हो र उद्योगमा भण्डारणका लागि आवश्यक कानुनी प्रक्रिया पूरा गरिएको थियो कि थिएन भन्ने विषयमा समेत अनुसन्धान भइरहेको छ।

बरामद काठ हाल वन कार्यालयको नियन्त्रणमा राखिएको छ। अनुसन्धानपछि काठको स्रोत र कानुनी अवस्थाबारे थप विवरण खुल्ने वन कार्यालयले जनाएको छ।

spot_img

ताजा अपडेट

spot_img
spot_img
spot_img

LEAVE A REPLY

Please enter your comment!
Please enter your name here

थप समाचार

वडा सदस्यको हस्ताक्षर किर्ते गरेको आरोपमा गाउँपालिका अध्यक्ष पक्राउ

वीरगंज । वडा सदस्यको हस्ताक्षर किर्ते गरी गाउँसभाबाट नीति तथा कार्यक्रम पारित गरेको आरोपमा सर्लाहीको बसबरिया गाउँपालिकाका अध्यक्ष रामसिहासन राय पक्राउ परेका छन् । ५५...

अमात्यको स्वास्थ्य अवस्थाबारे बुझ्दै देउवाले गरे राजनीतिक छलफल

वीरगंज । नेपाली कांग्रेसका सभापति एवं पूर्वप्रधानमन्त्री शेरबहादुर देउवाले संविधानसभा सदस्य तथा नेपाली कांग्रेस पर्साका पूर्वसभापति राजेन्द्रबहादुर अमात्यको निवासमा पुगेर उहाँको स्वास्थ्य अवस्थाबारे जानकारी...

आन्दोलनको तयारीमा जुट्न एमाले नेता–कार्यकर्तालाई ओलीको निर्देशन

काठमाडौं । नेकपा (एमाले)का अध्यक्ष केपी शर्मा ओलीले जुनसुकै बेला आन्दोलन गर्नुपर्ने अवस्था आउन सक्ने भन्दै नेता तथा कार्यकर्तालाई तयारी अवस्थामा रहन निर्देशन दिएका...