Date
बुध, मंसिर २, २०८३
Wed, November 18, 2026

फागुनमा स्थानीय तह निर्वाचन गर्ने तयारीमा निर्वाचन आयोग

spot_img
spot_img

वीरगंज । निर्वाचन आयोगले आगामी फागुनमा स्थानीय तह निर्वाचन गर्ने गरी तयारी अघि बढाएको जनाएको छ। स्थानीय तहका जनप्रतिनिधिको कार्यकाल सकिनुअघि नै निर्वाचन सम्पन्न गर्नुपर्ने संवैधानिक तथा कानुनी व्यवस्थाअनुसार आयोगले निर्वाचनको तयारी थालेको हो।

निर्वाचन आयोगका आयुक्त राजीव सुब्बाका अनुसार स्थानीय तहको कार्यकाल समाप्त हुनुभन्दा दुई महिनाअघि निर्वाचन गर्नुपर्ने कानुनी व्यवस्थाअनुसार आयोगले आवश्यक तयारी गरिरहेको छ।

आयोगले हाल मतदाता नामावली अद्यावधिक गर्ने काम अघि बढाइरहेको छ। फागुनमा निर्वाचन गर्ने अवस्था बनेमा माघ महिनामा पुनः मतदाता नामावली अद्यावधिक गरी अन्तिम मतदाता नामावली प्रकाशन गर्ने तयारी आयोगको छ।

यसैबीच, स्थानीय तह तथा प्रदेशसभा निर्वाचनमा केही जिल्ला र निर्वाचन क्षेत्रमा अन्तरजिल्ला मतदानको व्यवस्था लागू गर्ने विषयमा समेत आयोगले अध्ययन गरिरहेको जनाएको छ।

प्रविधिमैत्री निर्वाचन प्रणालीतर्फ अघि बढ्ने क्रममा आयोगले विद्युतीय मतदान (ई–भोटिङ) प्रणालीका विषयमा पनि आवश्यक तयारी तथा अध्ययन गरिरहेको जनाएको छ।

नेपालमा पछिल्लो पटक २०७९ वैशाख ३० गते स्थानीय तह निर्वाचन भएको थियो। संविधानअनुसार स्थानीय तहका जनप्रतिनिधिको कार्यकाल पाँच वर्षको हुने व्यवस्था छ। कार्यकाल समाप्त भएको छ महिनाभित्र अर्को निर्वाचन सम्पन्न गर्नुपर्ने संवैधानिक व्यवस्था रहेको छ।

spot_img

ताजा अपडेट

spot_img
spot_img
spot_img

LEAVE A REPLY

Please enter your comment!
Please enter your name here

थप समाचार

वडा सदस्यको हस्ताक्षर किर्ते गरेको आरोपमा गाउँपालिका अध्यक्ष पक्राउ

वीरगंज । वडा सदस्यको हस्ताक्षर किर्ते गरी गाउँसभाबाट नीति तथा कार्यक्रम पारित गरेको आरोपमा सर्लाहीको बसबरिया गाउँपालिकाका अध्यक्ष रामसिहासन राय पक्राउ परेका छन् । ५५...

अमात्यको स्वास्थ्य अवस्थाबारे बुझ्दै देउवाले गरे राजनीतिक छलफल

वीरगंज । नेपाली कांग्रेसका सभापति एवं पूर्वप्रधानमन्त्री शेरबहादुर देउवाले संविधानसभा सदस्य तथा नेपाली कांग्रेस पर्साका पूर्वसभापति राजेन्द्रबहादुर अमात्यको निवासमा पुगेर उहाँको स्वास्थ्य अवस्थाबारे जानकारी...

आन्दोलनको तयारीमा जुट्न एमाले नेता–कार्यकर्तालाई ओलीको निर्देशन

काठमाडौं । नेकपा (एमाले)का अध्यक्ष केपी शर्मा ओलीले जुनसुकै बेला आन्दोलन गर्नुपर्ने अवस्था आउन सक्ने भन्दै नेता तथा कार्यकर्तालाई तयारी अवस्थामा रहन निर्देशन दिएका...