वीरगंज । ठगी सम्बन्धी मुद्दामा फरार रहेका एक अभियुक्तलाई प्रहरीले पक्राउ गरेको छ ।
नेपाल प्रहरी प्रदेश कार्यालय वीरगंजका अनुसार जिल्ला पर्सा वीरगंज महानगरपालिका–२४ निवासी ४५ वर्षीय गिरधारी प्रसाद कुर्मीलाई पक्राउ गरिएको हो । उमेश प्रसाद कुर्मीको जाहेरीका आधारमा दर्ता भएको ठगी सम्बन्धी कसूर मुद्दामा पर्सा जिल्ला अदालतले २०८३ जेठ ११ गते पक्राउ अनुमति जारी गरेको थियो ।
उक्त अनुमति पश्चात् प्रदेश प्रहरी कार्यालय वीरगंजबाट खटिएको प्रहरी टोलीले कुर्मीलाई जेठ २१ गते बिहान करिब ७ बजे वीरगंज महानगरपालिका–२४ रामगढवा टोलबाट पक्राउ गरेको जनाएको छ ।
पक्राउ परेका कुर्मीलाई अदालतबाट जारी भएको पक्राउ पुर्जी बुझाई आवश्यक प्रतिवेदनसहित नियन्त्रणमा लिइएको प्रहरीले जनाएको छ । थप अनुसन्धान तथा कानुनी कारबाहीका लागि उनलाई जिल्ला प्रहरी कार्यालय पर्सामा पठाइएको नेपाल प्रहरी प्रदेश कार्यालय वीरगंजले जानकारी दिएको छ ।
