वीरगंज । नेपाल औषधि तथा बिक्री प्रतिनिधि संघ (NMSRA) वीरगंज इकाईको अधिवेशनबाट नयाँ कार्यसमिति चयन भएको छ। शनिबार सम्पन्न अधिवेशनअन्तर्गत भएको निर्वाचनमा सौरव वर्णवाल नेतृत्वको प्यानल विजयी भएको हो।
संघको अध्यक्षमा सौरव वर्णवाल १९१ मत ल्याएर विजयी भएका छन् भने उनका प्रतिस्पर्धी चन्दशेखर पंजियारले ११९ मत प्राप्त गरेका छन्।
त्यसैगरी वरिष्ठ उपाध्यक्षमा विकास कुशवाहा १७१ मतसहित विजयी हुँदा उनका प्रतिस्पर्धी अमित कर्णले १३९ मत पाएका छन्। उपाध्यक्ष पदमा अजय पटेल १५८ मत ल्याएर विजयी भएका छन् भने उनका प्रतिस्पर्धी अर्जुन सर्राफले १४७ मत प्राप्त गरेका छन्।
सचिव पदमा बब्लु चौधरी १६९ मतसहित विजयी भएका छन् भने उनका प्रतिस्पर्धी दीपेन्द्र लाल साह कलवारले १३५ मत पाएका छन्।
सहसचिव पदमा सुमित वर्णवाल १६१ मत र गौरव पटेल १५७ मत ल्याएर विजयी भएका छन्। उनीहरूका निकटतम् प्रतिस्पर्धीहरू सुनिल भगत मालीले १४६ मत र बैजनाथ ठाकुर लोहारले ११२ मत प्राप्त गरेका छन्।
कोषाध्यक्षमा दीपेन्द्र यादव १७४ मत ल्याएर विजयी भएका छन् भने उनका प्रतिस्पर्धी नितेश पटेलले १३४ मत पाएका छन्। सह-कोषाध्यक्ष पदमा सिद्धार्थ पाण्डे १७७ मतसहित विजयी हुँदा उनका प्रतिस्पर्धी प्रमोद प्रसादले १३६ मत प्राप्त गरेका छन्।
त्यस्तै सदस्यहरूमा जय प्रकाश पटेल १७८ मत, सौरभ कुमार साह १७८ मत, हिमान्सु गुप्ता १६२ मत, सुशान्त सिंह १६० मत र अभिषेक गुप्ता १४६ मत ल्याएर विजयी भएका छन्।
