वीरगंज । राष्ट्रिय स्वतन्त्र पार्टी (रास्वपा) पर्साले पिपरामा निर्वाचन परिचालन कमिटी गठन गर्दै चुनावी गतिविधिलाई तीव्र बनाएको छ। पिपरामा आज आयोजना गरिएको पर्सा क्षेत्र नं. १ का उम्मेदवार हरि पन्तकाे घरदैलो कार्यक्रमअघि कृष्ण पटेलको नेतृत्वमा ५१ सदस्यीय निर्वाचन परिचालन कमिटी गठन गरिएको हो।
निर्वाचन परिचालन कमिटी गठनसँगै पिपरामा रास्वपाको संगठन थप सुदृढ बनेको पार्टीले जनाएको छ । स्थानीय स्तरमा बढ्दो जनसमर्थनले रास्वपा पिपरामा बलियो बन्दै गएको देखिएको छ।
यसैबीच, वीरगंज महानगरपालिका–२३ सबैठ्वामा रोशन यादव र रवि यादवको नेतृत्वमा सयौं जेन्जी युवाहरु राष्ट्रिय स्वतन्त्र पार्टीमा प्रवेश गरेका छन्। पार्टी प्रवेश कार्यक्रममा बोल्दै रास्वपा पर्सा सभापति तथा पर्सा क्षेत्र नं. १ का प्रतिनिधिसभा सदस्य उम्मेदवार हरि पन्तले भाद्र २३ र २४ को जेन्जी विद्रोहकै कारण मुलुक परिवर्तनको संघारमा पुगेको बताउँदै अब परिवर्तनको नेतृत्व रास्वपाले गर्ने दाबी गरे।
पन्तले जेन्जी युवाहरुको निरन्तर पार्टी प्रवेशले पर्सा जिल्लामा रास्वपाको जित सुनिश्चित हुँदै गएको पर्सा १ उम्मेदवार समेत रहेका रास्वपा जिल्ला सभापति पन्तले वताए ।
कार्यक्रममा जिल्ला सचिव सुदिश प्रजापति, महानगर सभापति अमन आलम, सचिव गौतम श्रेष्ठ, क्षेत्रीय सभापति राम आर्य लगायत पार्टीका नेता तथा कार्यकर्ताको उल्लेखनीय उपस्थिति रहेको थियो।
