वीरगंज । राष्ट्रिय स्वतन्त्र पार्टी (रास्वपा) पर्सा क्षेत्र नं. ४ का सभापति जितेन्द्र मिश्रले पर्साका सबै निर्वाचन क्षेत्रमा आफ्नो पार्टीका उम्मेदवार विजयी हुने दाबी गरेका छन्।
सभापति मिश्रका अनुसार, पर्सा क्षेत्र नं. १ मा हरि पन्त, २ मा सुशील साह कानु, ३ मा रामाकान्त चौरसिया र ४ मा टेक बहादुर शाक्य उम्मेदवार रहेका छन् । यी सबै उम्मेदवार फागुन २१ गते हुने प्रतिनिधिसभा निर्वाचनमा विजयी हुने विश्वास व्यक्त गेका हुन् ।
उनले भने, “रास्वपाले मधेशी नेता बालेन्द्र साह ‘बालेन’लाई प्रधानमन्त्रीको उम्मेदवार बनाएको कारण जिल्ला सबै क्षेत्रमा जोश र उत्साह छ, र यसले जित सुनिश्चित बनाएको छ।”
सभापति मिश्रको दाबी अनुसार पार्टीका उम्मेदवारहरूले निर्वाचन अभियानमा जनसमर्थन व्यापक रुपमा प्राप्त गरेका छन्।
