वीरगंज । पर्सा क्षेत्र नम्बर २ अन्तर्गत वीरगंज महानगरपालिका वडा नम्बर २९ बसडिल्वामा रास्वपा कार्यकर्ता भेटघाट कार्यक्रम सम्पन्न भएको छ। शुक्रबार रास्वपा उम्मेदवार सुशीलकुमार कानुले वडाका रास्वपा कार्यकर्ता र समर्थकसँग भेटघाट गरेका छन्।
कार्यक्रममा कार्यकर्ताहरूलाई सम्बोधन गर्दै उम्मेदवार कानुले रास्वपा नै देशको वैकल्पिक शक्ति भएको र आगामी फागुन २१ को निर्वाचनमा बहुमत ल्याउने दाबी गरे । उनले नेपालकै इतिहासमा पहिलोपटक मधेसी युवाले प्रधानमन्त्री बन्ने अवसर पाएको उल्लेख गर्दै रास्वपाका सिपाही बन्न पाउँदा गर्व लागेको बताए।
कानुले ‘अबकी बार, बालेन सरकार’ नाराले मधेसमात्रै नभई सम्पूर्ण देशमा गुञ्जन फैलिएको र परिवर्तन अपरिहार्य भइसकेको जिकिर गरे। आफू युवा भएको कारणले युवामा भरोसा गर्न आग्रह पनि गरे।
कार्यक्रम रास्वपाका क्षेत्रीय सभापति फैयाज मियाँको सभापतित्वमा सम्पन्न भएको थियो। कार्यक्रममा क्षेत्रीय सचिव किसन प्रसाद, वीरगंज महानगर उपसभापति परितोष द्विवेदी, नेता सुधीर पटेललगायतले पनि सहभागिता रहेको थियो ।
