वीरगंज । नेपाली कम्युनिष्ट पार्टी (नेकपा) पर्साले फागुन २१ गते हुने प्रतिनिधि सभा सदस्य निर्वाचनका लागि उम्मेदवारहरूको नाम सिफारिस गरेको छ। पार्टीको विशेष सर्कुलरअनुसार पर्सा जिल्लाका चारै निर्वाचन क्षेत्रबाट प्रत्यक्ष तथा समानुपातिक तर्फका प्रत्यासीहरूको नामावली सिफारिस गरी केन्द्रमा पठाइएको नेकपाका नेता गंगा खड्काले जानकारी दिए।
नेकपाले पर्सा निर्वाचन क्षेत्र नं. १ बाट प्रत्यक्ष तर्फ रामदरस कुशवाहा, सुरेन्द्र गुप्ता, प्रभु यादव र सब्बा अंसारीको नाम सिफारिस गरेको छ। त्यसैगरी क्षेत्र नं. २ बाट प्रत्यक्ष तर्फ मनोज चौधरी, सत्यनारायण रौनियार र प्रभाकर गुप्ताको नाम सिफारिस गरिएको छ।
यस्तै, क्षेत्र नं. ३ बाट प्रत्यक्ष तर्फ रामबाबु बैठा, छोटेलाल यादव, बिक्रम चौरसिया तथा क्षेत्र नं. ४ बाट प्रत्यक्ष तर्फ बलराम साह, जयप्रकाश थारु र मैनेजर साहको नाम सिफारिस गरिएको नेता खड्काले बताए।
समानुपातिक तर्फ पर्सा क्षेत्र नं. १ बाट बालगोपाल थापा, बाबुराम कौशिक, हिरा भट्टराई, दुर्गा क्षेत्री, अफसाना खातून, डा. राजू बैठा, नन्द किशोर पंजियार, गजाधर पटेल, कदम रसूल, मंजुर समानी, मंजू आलम, सलाम अंसारी र राजकुमार यादवको नाम सिफारिस भएको छ।
त्यसैगरी, पर्सा क्षेत्र नं. २ बाट समानुपातिक तर्फ चिरञ्जीवि आचार्य, रामाश्रे राम, बलराम उपाध्याय, रामस्वरुप राम, सावित्री पोखरेल, बृजलाल पसवान, मेवालाल साह, विपिन यादव र रामेश्वर धानुकको नाम सिफारिस गरिएको छ। पर्सा क्षेत्र नं. ३ बाट समानुपातिक तर्फ किशोरी प्रसाद कुशवाहा, शिवजी प्रसाद सोनी, बालेश्वर थारु, सुनिता चौरसिया, लाल बिहारी राम, प्रहलाद गिरी र निरोज अहमदको नाम सिफारिस गरिएको छ।
यस्तै, पर्सा क्षेत्र नं. ४ बाट समानुपातिक तर्फ विजय प्रसाद महतो, शेषचाँद तारा कुमारी, हरेन्द्र हजरा, प्रतिमा गुप्ता, भोला महतो थारु, जियाउल हसन र लोकमान थापाको नाम सिफारिस गरिएको छ।
सिफारिस पत्रमा नेकपा माओवादी केन्द्र पर्साका इन्चार्ज विजय महतो थारु, जिल्ला संयोजक रामदरश कुशवाहा, नेकपा (एकीकृत समाजवादी) पर्साका अध्यक्ष बालगोपाल थापा, सह–इन्चार्ज मनोज चौधरी, जसपाका केन्द्रीय सदस्य शिवजी प्रसाद सोनी, जनसमाजवादी पार्टी नेपालका केन्द्रीय सदस्य सत्यनारायण रौनियार तथा नेपाल समाजवादी पार्टीका केन्द्रीय सदस्य फिरोज बादशाहले हस्ताक्षर गरेका छन्।
