वीरगंज । नेपाल प्रहरी प्रधान कार्यालय, नक्सालले ७०औं प्रहरी दिवस–२०८२ को अवसरमा इलाका प्रहरी कार्यालय गंगापिपरा, रौतहटका प्रहरी नायब निरीक्षक (सई) गौरव कुमार दास लाई “उत्कृष्ट प्रहरी कार्य पुरस्कार” प्रदान गरेको छ ।
- Advertisement -
राष्ट्र र नागरिक सेवामा समर्पित भई “सत्य सेवा सुरक्षणम्” को आदर्शबाट अभिप्रेरित रहँदै उनले प्रभावकारी प्रहरी सेवा, शान्ति–सुरक्षा कायम, उच्च अनुशासन, व्यावसायिक दक्षता र निरन्तर अठोट प्रदर्शन गरेको भन्दै नेपाल प्रहरीले उनलाई उक्त सम्मान प्रदान गरेको हो ।
प्रहरी दिवसको अवसरमा काठमाडौंमा आयोजित विशेष समारोहमा सई दासलाई पुरस्कारसहितको सम्मानपत्र प्रहरी महानिरीक्षक चन्द्र कुबेर खापुङ्गले प्रदान गर्नुभएको हो ।
प्रहरी मुख्यालयले भविष्यमा पनि दासले राष्ट्रसेवामा अझ प्रेरणादायी भूमिका निर्वाह गर्ने विश्वास व्यक्त गरेका छन ।
