वीरगंज । स्वर्गीय रामबहादुर श्रेष्ठको स्मृतिमा आयोजित ठोरी चौथो गोल्डकप फुटबल प्रतियोगिताकाे जगरनाथपुर गाउँपालिका अध्यक्ष श्रीकान्त प्रसाद यादवले उद्घाटन गरेका छन् ।
प्रतियाेगिता उद्घाटन कार्यक्रममा सम्बोधन गर्दै अध्यक्ष यादवले खेलकुदले युवाहरूमाझ एकता, अनुशासन र सहकार्यको भावना विकसित गर्न महत्वपूर्ण भूमिका खेल्ने बताए । उनले स्व. श्रेष्ठज्यूको खेलप्रेमी भावना र समुदायप्रतिको योगदानको उच्च सम्मान गर्दै, यस्ता प्रतियोगिताले स्थानीय स्तरमा खेलकुदको महत्व र विकासका सम्भावनालाई उजागर गर्ने उल्लेख गरे ।
कार्यक्रमका प्रमुख अतिथी समेत रहेका अध्यक्ष यादवले सफल आयोजनाका लागि आयोजक समिति, खेलाडी, दर्शक तथा सुरक्षाकर्मी सबैप्रति आभार व्यक्त गर्दै निष्पक्ष खेल भावना सहित उत्कृष्ट प्रदर्शनका लागि सहभागी टोलीहरूलाई शुभकामना दिए ।
अन्त्यमा उनले भने, “खेलकुदले समाजलाई जोड्ने शक्ति बोकेको छ, त्यसैले यस्ता पहलहरू निरन्तर भइरहनु आवश्यक छ ।”
