वीरगंज । वीरगंज महानगरपालिका–२० का वडाध्यक्ष रामकिशोर सिंह परागले जेन–जी पुस्ताको समर्थन जनाउँदै नेकपा एमाले परित्याग गरेका छन् । बुधबार उनले नेकपा एमालेको साधारण सदस्यसमेत नरहने गरी राजीनामा दिएका हुन् ।
- Advertisement -
गत असोज ६ गते वीरगंज महानगर उप–प्रमुख पदबाट राजीनामा दिएको घोषणा गरेका परागले अब जन्मदिनको अवसर पारेर एमालेको साधारण सदस्यताबाट पनि राजीनामा दिएका हुन् । उनले भने, “जेन–जी पुस्ताको सुशासन र परिवर्तनको चाहनामा म पूर्ण रूपमा सहमत छु, त्यसैले अब एमालेमा बसिरहन सक्दिन ।”
उनका अनुसार पार्टी नेतृत्वमा सुधारको कुनै संकेत नदेखिएकाले आफूले एमाले परित्याग गरेको हो ।
उता नेकपा एमाले पर्सा जिल्ला अध्यक्ष डा. विश्वम्भर शर्माले भने वीरगंज महानगर कमिटीका उपाध्यक्ष परागले औपचारिक रूपमा राजीनामा नदिएको जानकारी दिएका छन् ।
