वीरगंज । जेन एन्ड जेड आन्दोलनका क्रममा क्षति पुगेको वीरगञ्ज–गण्डक प्रहरी चौकीलाई आवश्यक सामग्रीहरू सहयोग गरिएको छ। उत्कर्ष नेपाल, उपकार सेवा नेपाल र वीरगञ्ज पब्लिक कलेजको संयुक्त प्रयासमा चौकीलाई दैनिक सञ्चालनका लागि अति आवश्यक समानहरू उपलब्ध गराइएको हो।
सहयोग स्वरूप चौकीलाई कुर्सी, टेबल, पानी तान्ने इलेक्ट्रिक मोटर, चालकला, बेडसिट, डसना, तकिया, खाना पकाउने भाँडाकुडा लगायतका सामग्रीहरू हस्तान्तरण गरिएको हो। यसले प्रहरी चौकीको सेवा प्रवाहलाई सहज बनाउन र कानून–व्यवस्थालाई सामान्य अवस्थामा फर्काउन सहयोग पुग्ने विश्वास व्यक्त गरिएको छ।
यो योगदानमा उपकार सेवा नेपालको अध्यक्ष विद्या कुमारी सरावगी, सदस्य सुमन बगेडिया, संरक्षक पद्मा देवी सरावगी, वीरगञ्ज पब्लिक कलेजका दीपक शाक्य तथा उत्कर्ष नेपालको सम्पूर्ण टिमको सक्रिय भूमिका रहेको थियो।
