वीरगंज । संविधान दिवस तथा राष्ट्रिय दिवस–२०८२ को अवसरमा शुक्रबार बाराको जीतपुरसिमरा उपमहानगरपालिकाले रक्तदान कार्यक्रम सम्पन्न गरेको छ।
उपमहानगरपालिकाको कार्यालय परिसरमा आयोजित कार्यक्रममा ५ महिलासहित ५४ जनाले रक्तदान गरेका छन् । नेपाल रेडक्रस सोसाइटी रेशमकोठी उपशाखाका सह–कोषाध्यक्ष अभिलाष गुप्ताका अनुसार मातृका पौडेल, सुरज पुन मगर, चूडामणि काफ्ले, ललित किशोर, हासमुद्दिन अन्सारी, सिद्धार्थ चौधरी, सपना बम्जन, साबित्रि सोंग, सुस्मा तामाङलगायतले रक्तदान गरेका हुन् ।
कार्यक्रममा उपमहानगरपालिकाका प्रमुख राजन पौडेल, उपप्रमुख भोला प्रसाद अधिकारी, प्रमुख प्रशासकीय अधिकृत शान्तिराज प्रसाई लगायतकाे उपस्थिती रहेकाे थियाे ।
कार्यक्रमलाई नेपाल रेडक्रस सोसाइटी रक्त सञ्चार केन्द्र वीरगञ्जका प्राविधिक जितेन्द्र कुश्वाहा र उनकी टोलीले प्राविधिक सहयोग पुर्याएका थिए ।
