काठमाडौँ । बनेपा नगरपालिका–९ बाट ७ सय ३० राउण्ड गोलीसहित ८ जनालाई प्रहरीले पक्राउ गरेको छ । केन्द्रीय प्रहरी समाचारकक्षका अनुसार शनिबार राति काभ्रे जिल्ला प्रहरी कार्यालयको टोलीले पक्राउ गरेको हो ।
पक्राउ परेका व्यक्तिहरूमा २६ वर्षीय सिजन सुवाल, २८ वर्षीय सुवास गौतम, १८ र १५ वर्षका दुई किशोर, बाराका २० वर्षीय महेश मुखिया, मकवानपुर बकैया गाउँपालिका–६ का २४ वर्षीय सुशान्त लो, तेमाल गाउँपालिका–२ का २१ वर्षीय तिमोथी तामाङ र पनौती नगरपालिका–१० का ३४ वर्षीय अछुत खड्का रहेका छन्।
प्रहरीले उनीहरूलाई कानून अनुसार कारबाहीका लागि नियन्त्रणमा राखेको छ । घटनाबारे थप अनुसन्धान जारी छ ।
