वीरगंज । जेन जिकाे प्रदर्शनकाे क्रममा भएकाे ताेडफाेड र आगजनीकाे घटनापछि बन्द भएकाे पर्सा जिल्ला अदालतकाे सेवा प्रवाहा आइतबारदेखि सुचारु भएकाे छ ।
विद्यमान परिस्थितिलाई मध्यनजर गर्दै सेवा प्रवाहबारे अदालतले जानरी गरेकाे नयाँ सूचना अनुसार अदालतकाे २०८२ भदौ २९ गतेको निर्णयअनुसार, अदालतमा उपस्थित हुन नसकेका पक्षहरूलाई म्याद तथा तारिख थाम्न ३० दिनको समय दिने व्यवस्था गरेको हो ।
मुलुकी फौजदारी कार्यविधि संहिता २०७४ को दफा ५९, मुलुकी देवानी कार्यविधि संहिता २०७४ को दफा २२५ र सर्वोच्च अदालतको आदेशको आधारमा अदालतले यो व्यवस्था गरेको हो । कर्फ्यू तथा निषेधाज्ञा हटेसँगै आवतजावत सहज बनेपछि अदालतको कामकाज नियमित रूपमा सञ्चालनमा आएको अदालतले जनाएको छ ।
यस्तै, नियमित पेशीमा रहेका मुद्दाहरूको सुनुवाइ विजयादशमी बिदापछि मात्र सुचारु हुने जानकारी पनि अदालतका स्रेस्तादार प्रभाकर कुमार मल्लिकले दिएका छन् ।
जेन जि प्रदर्शनकाे क्रममा काठमाडाैंस्थित सर्वाेच अदालतमा भएकाे ताेडफाेड र आगजनीका कारण जिल्ला अदालतकाे काम समेत प्रभावित भएकाे हाे । आइतबारदेखि सर्वाेच अदालतकाे काम पनि आंशिक रुपमा सुचारु भएपनि सर्वाेच अदालतकाे वेभ साइड (अनलाइन) प्रणाली अझै पनि सुचारु हुन नसकेका कारण जिल्ला अदालतकाे कामहरु पनि पूर्ण रुपले सुचारु हुन नसकेकाे हाे ।
यस्ताे छ पर्सा जिल्ला अदालतकाे सूचना
