पर्सा । पर्सा क्षेत्र नम्बर–४ काे जिराभवानी गाउँपालिका वडा नं. १ बालुवा टोलमा करिब ५० जना महिला–पुरुष जनमत पार्टीमा प्रवेश गरेका छन् । शुक्रबार आयोजित कार्यक्रममा ३१ सदस्यीय बूथ समिति पनि गठन गरिएको छ।
जनमत पार्टीका गाउँपालिका अध्यक्ष राम प्रवेश चौधरीको अध्यक्षता र जिल्ला अध्यक्ष ओमप्रकाश सर्राफकाे प्रमुख आतिथ्यतामा भएकाे कार्यक्रममा प्रदेश सदस्य बृजेश्वर प्रसाद चौधरी, जिल्ला वरिष्ठ नेता जगदीश पटेल, प्रादेशिक क्षेत्रीय संयोजक गौरीशंकर पटेल, जगरनाथपुर गाउँपालिका समितिका अध्यक्ष इ. सुनिल मुखिया, युवा जिल्ला वरिष्ठ उपाध्यक्ष धिरेन्द्र पन्जियार, स्थानीय नेता रनु यादव लगायतको विशेष उपस्थिति रहेको थियो।
कार्यक्रमलाई सम्बाेधन गर्दै जिल्ला अध्यक्ष सर्राफले देश विकासकाे लागि जनमत पार्टीमा गाेलबन्ध हुन सबैलाई आग्रह गरे । उनले नवप्रबेशी र नवगठित समितिलाई बधाई दिदै देश विकासकाे भ्रष्टाचार विरुद्ध अभियान जरुरी रहेकाे वताए ।
जनमत पार्टीले हाल पर्साका टोल–टोल, गाउँ–गाउँमा संगठन विस्तारलाई तीव्रता दिएको जनाएको छ ।
